26.02.2026 | 20:05
«Այվազովսկի» օգտատերը ձերբակալվել է տիկտոկում Փաշինյանի հասցեին վիրավորանքի համար՝պնդում է փաստաբանը. ՏԵՍԱՆՅՈՒԹ
ԱՄՆ-ը, Գերմանիան և Լեհաստանը կարող են համատեղ զորավարժություններ անցկացնել
Քաղաքականություն
27.02.2023 | 12:21
Վաշինգտոնը բանակցություններ է վարում Բեռլինի և Վարշավայի հետ Լեհաստանում համատեղ զորավարժություններ անցկացնելու համար՝ ի պատասխան ՆԱՏՕ-ի արևելյան սահմանին ռուսական սպառնալիքի, հայտարարել է Գերմանիայի պաշտպանության նախարար Բորիս Պիստորիուսը, փոխանցում է DW-ի ռուսական ծառայությունը։ ARD հեռուստաալիքի եթերում Պիստորիուսը կարծիք է հայտնել, որ Ուկրաինային սահմանակից երկրում զորավարժությունները «շատ հստակ» ազդանշան կուղարկեն ՆԱՏՕ-ի դաշնակիցներին, ինչպես նաև Ռուսաստանի նախագահ Վլադիմիր Պուտինին:
ՆԱՏՕ-ն «այնքան թույլ չի, որքան երկար ժամանակ կարծել է Պուտինը», ասել է Գերմանիայի պաշտպանության նախարարը՝ նշելով, որ դաշինքը շատ ավելի ուժեղ և համախմբված է, քան մինչև 2022 թվականի փետրվարին Ուկրաինա ռուսական ներխուժումը:
«Արևելյան Եվրոպայի երկրների համար, ինչպիսիք են Լեհաստանը, Բալթյան երկրները, Սլովակիան և այլն, կարևոր է տեսնել, որ Գերմանիան, որպես դաշինքի եվրոպական ամենակարևոր անդամ, և Միացյալ Նահանգները, որպես անդրատլանտյան գործընկեր, կատարում են իրենց պաշտպանական պարտավորությունները»,- հավելել է Պիստորիուսը։
Տաթև Ֆռանգյան
