05.11.2024 | 16:25
Նորք-Մարաշում մեծահարուստներն ամեն մեկն իր տան դիմաց ճանապարհային խոչընդոտ էր դրել, վերացրինք․ Ավինյան․ ՏԵՍԱՆՅՈՒԹ
Պետդուման հավանություն է տվել Ռազմավարական հարձակողական սպառազինությունների վերահսկման պայմանագրին ՌԴ-ի մասնակցության կասեցմանը
Քաղաքականություն
22.02.2023 | 15:48
ՌԴ Պետդուման ընդունել է օրինագիծ, որով կասեցվում է Ռուսաստանի Դաշնության մասնակցությունը Ռազմավարական հարձակողական սպառազինությունների կրճատման և սահմանափակման մասին պայմանագրին: Փետրվարի 22-ին պատգամավորները միաձայն պաշտպանել են նույն օրը ՌԴ նախագահ Վլադիմիր Պուտինի կողմից ներկայացված փաստաթուղթը, փոխանցում է DW-ի ռուսական ծառայությունը։
Նախօրեին ելույթ ունենալով Դաշնային ժողովում՝ Պուտինը հայտարարել էր, որ Մոսկվան դադարեցնում է մասնակցությունը պայմանագրին և պատրաստ է նոր միջուկային զենք փորձարկել, բայց դա կանի միայն այն դեպքում, եթե նման փորձարկում իրականացվի ԱՄՆ-ի կողմից։
Նա ընդգծել է, որ երկիրը դուրս չի գալիս համաձայնագրից, այլ միայն դադարեցնում է իր մասնակցությունը դրան։ Որպես իր որոշման հիմնավորում՝ ՌԴ նախագահը հայտարարել է, որ մյուս միջուկային տերություններն աշխատում են միջուկային զենքի նոր տեսակների մշակման ուղղությամբ։
Տաթև Ֆռանգյան
