25.06.2026 | 14:33
Սոցիալական կրեդիտներից գումար կհատկացվի լրատվամիջոցներին, կուսակցություններին և ՀԿ-ներին՝ քաղաքացիների ընտրությամբ
Ռուսական ռադիոկայաններն օդային տագնապի մասին տեղեկություն են հայտնել․ ԱԻՆ-ը սա կապել է հաքերային հարձակման հետ
Քաղաքականություն
22.02.2023 | 12:15
ՌԴ ԱԻՆ-ում «ֆեյք» են անվանել օդային տագնապի մասին տեղեկությունները, որոնք հնչել են որոշ ռուսական ռադիոկայանների եթերում, փոխանցում է BBC-ի ռուսական ծառայությունը։
«Հաքերային հարձակման հետևանքով մարզային որոշ կոմերցիոն ռադիոկայանների եթերում տեղեկություններ են հնչել իբրև օդային տագնապ հայտարարելու և հրթիռային հարվածի սպառնալիքի մասին։ Սույն տեղեկությունը կեղծ է և չի համապատասխանում իրականությանը»,- ասվում է նախարարության հայտարարության մեջ։
Ավելի վաղ ԶԼՄ-ներն ու Telegram-ալիքները, հղում կատարելով սոցցանցերում տեսանյութերին, հաղորդել էին, թե «Ուշադրությո՛ւն, ուշադրությ՛ուն, հրթիռային հարձակման վտանգ» արտահայտությունը հնչել է «AutoRadio», «Humor FM», «Relax FM» և այլ ռադիոկայանների հաճախականությամբ Բելգորոդում, Կազանում, Ուֆայում, Վորոնեժում, Նովոսիբիրսկում, ինչպես նաև Մոսկվայի մարզում և այլ շրջաններում:
Վորոնեժի շրջանի իշխանությունները հայտնել են, որ տեղի է ունեցել հաքերային հարձակում, որի հետևում կանգնած են «Կիևի ռեժիմի հանցակիցները»։
Տաթև Ֆռանգյան
