Չեմ ցանկանում աբսուրդի թատրոնի վերածել այս դատական նիստը, մենք ԲԴԽ-ում ենք, ամոթ է. Զարուհի Նախշքարյան․ ՏԵՍԱՆՅՈՒԹ

Լուրեր

19.11.2026 | 15:30
Վազգեն Սարգսյանի անվան ռազմական ակադեմիայի կուրսանտները մասնակցել են Չինաստանում անցկացված միջազգային ծրագրին
19.11.2026 | 15:21
Բաքուն արդարացրել է հայ գերիների շինծու դատավճիռները և Ֆրանսիային կոչ արել «զերծ մնալ Ադրբեջանի ներքին գործերին միջամտելուց»
19.11.2026 | 15:10
Փաշինյանը՝ իր հրաժարականի պայմանի մասին // Հայաստանը հրավիրվել է G20-ի գագաթնաժողովին․ ԼՈՒՐԵՐ
19.11.2026 | 15:04
Աթենքի Ակրոպոլիսի թանգարանում կբացվի «Հին Հայաստան» ցուցահանդեսը․ կներկայացվի ավելի քան 200 ցուցանմուշ
19.11.2026 | 14:55
Սի Ցզինպինը միջուկային զենքից զերծ աշխարհի կոչ է արել
19.11.2026 | 14:47
Թրամփը հայտարարել է, որ երեք առաջնորդները կանդրադառնան «աշխարհում քննարկվող բոլոր խնդիրներին», նաև Ուկրաինայի պատերազմին
19.11.2026 | 14:45
Ամերիկյան AECOM-ը ներկայացրել է ԹՐԻՓՓ-ի երկաթուղու ինժեներական ուսումնասիրության նախնական արդյունքները․ ՀՀ-ՌԴ բանակցությունները շարունակվում են
19.11.2026 | 14:38
Աշխարհի ու Եվրոպայի չեմպիոն Խուան Մատան ավարտել է կարիերան
19.11.2026 | 14:30
Բաքուն Հայաստանից ավելի քան 200 զանգվածային գերեզմանների վերաբերյալ տեղեկություններ է ակնկալում․ Հաջիև
19.11.2026 | 14:22
Արցախի և Հայաստանի միավորման քաղաքական օրակարգ չկա, որովհետև Արցախում հայեր չեն ապրում․ Վարդանյան․ ՏԵՍԱՆՅՈՒԹ
19.11.2026 | 14:21
Թրամփի, Սի Ցզինպինի և Պուտինի միջև բանակցություններն ավարտվել են․ հանդիպումը 1,5 ժամ է տևել
19.11.2026 | 14:14
Երևանում կասեցվել է «Սիթի» ընկերության հացի արտադրամասի գործունեությունը․ հայտնաբերվել են սանիտարական խախտումներ
19.11.2026 | 14:05
Պուտինը հայտարարել է, որ ՌԴ-ն, ԱՄՆ-ն ու Չինաստանն «ընդհանուր շահեր» ունեն, այդ թվում՝ Ուկրաինայում հակամարտության հարցում
19.11.2026 | 13:54
Ժաննա Անդրեասյանն այցելել է Ծիծեռնակաբերդ․ բարեկարգման աշխատանքներն ընթանում են ըստ ժամանակացույցի
19.11.2026 | 13:46
Պենտագոնի պաշտոնյան վաղաժամ լքել է Ուկրաինայի պաշտպանության հարցերով հանդիպումը՝ Կիևին քննադատելուց հետո
Բոլորը

Բարձրագույն Դատական խորհուրդում շարունակվում է դատավոր Զարուհի Նախշքարյանի գործով երեկ մեկնարկած նիստը։ Երևան քաղաքի ընդհանուր իրավասության դատարանի դատավոր Զարուհի Նախշքարյանը կարգապահական պատասխանատվության է կանչվել։

Արդարադատության նախարարությունը Բարձրագույն դատական խորհրդից պահանջում է դատավորին պատժել ֆեյսբուքյան անձնական էջում, ինչպես նաև լրատվամիջոցների հետ զրույցում արտահայտած մտքերի համար՝ կապված նախորդ տարեվերջին Խորհրդի կողմից դատավոր Աննա Փիլոսյանի լիազորությունների դադարեցման հետ։

Արդարադատության նախարարությունը դատավորին վերագրել  է վարքագծի կանոնների որոշակի խախտումներ, մասնավորապես Դատական օրենսգրքի 69-րդ հոդվածի 1-ին մասի 6-րդ և 7-րդ կետերով սահմանված խախտումներ։

Դատավոր Նախշքարյանը այսօրվա նիստում  հանդես եկավ ելույթով: Նա, հղում անելով Եվրոպայի խորհրդի Նախարարների կոմիտեի ներկայացված կարծիքին, նշեց, որ կան սահմանափակ հանգամանքներ, երբ դատավորը կարող է պատշաճ կերպով բարձրաձայնել քաղաքականապես վիճահարույց հարցեր, մասնավորապես, երբ հարցն ուղղակիորեն ազդում է դատարանների գործունեության, դատական իշխանության անկախության, արդարադատության իրականացման կամ դատավորի անձնական անձեռնմխելիության վրա։

Նախշքարյանի խոսքով՝ դեռևս 2002 թվականին Եվրոպայի խորհրդի Նախարարների կոմիտեի ուշադրությանը ներկայացվել է կարծիք թիվ 3 Եվրոպական դատարանի խորհրդատվական խորհրդի կողմից, որի 34-րդ կետի համաձայն՝ պետք է թույլատրվի, որ դատավորները մասնակցեն որոշ բանավեճերի, որոնք վերաբերում են ազգային, դատական քաղաքականությանը: Պետք է հնարավոր լինի խորհրդակցել դատավորների հետ, ինչպես նաև նրանց ակտիվ ներգրավել և ակտիվ դեր խաղալ իրենց կարգավիճակի մասին օրենսդրական մշակման գործընթացում և դատական համակարգի գործունեության հարցում:
«Տվյալ դեպքում արդյո՞ք իմ խոսքը վտանգել է դատական իշխանության հեղինակությունը, թե՞ուղղված է եղել դատական իշխանության և անհատ դատավորների անկախության երաշխիքներին»,-ասաց Նախշքարյանը։

Արդարադատության նախարարության ներկայացուցիչը նրան հարց ուղղեց, թե «Ֆեյսբուք» սոցիալական ցանցում կատարած իր գրառումների հասանելիության սահմանափակումն արդյո՞ք պայմանավորված է եղել այն հանգամանքով, որ ինքը գիտակցել է՝ չպետք է աներ այդպիսի արտահայտություններ, դատավորը պատասխանեց, որ հասանելիությունը որևէ կերպ սահմանափակված չէ. «Ի սկզբանե այն նախատեսված է եղել բոլոր ընկերների ընկերների շրջանակում»:

Անդրադառնալով հարցին, որ եթե այլ դատավորներ իր կայացրած դատական ակտերը վիճահարույց դիտարկեն, դա իր համար ընդունելի՞ է, դատավոր Նախշքարյանն արձագանքեց. «Ձեր հարցն այնքան է դուրս մեր քննարկման առարկայից: Ցանկանում եք ճշտել իմ սուբյեկտիվ մոտեցումները այս կամ այն հարցի շուրջ։ Ես չեմ ցանկանում աբսուրդի թատրոնի վերածել այս դատական նիստը, որովհետև մենք գտնվում ենք Բարձրագույն դատական խորհրդում»:

Մանրամասները՝ տեսանյութում։