16.12.2025 | 22:27
Ըստ ՌԴ ԱԳՆ-ի՝ Արևմուտքն ակտիվացրել է «ապակառուցողական ջանքերը Հարավային Կովկասում»
ՆԱՏՕ-ն ու ԵՄ-ն մեկնաբանել են Պուտինի՝ Դաշնային խորհրդին ուղղված ելույթը
Քաղաքականություն
21.02.2023 | 19:24
Սպառազինությունների վերահսկման պայմանագիրը կասեցնելու՝ Ռուսաստանի որոշումն աշխարհն ավելի վտանգավոր վայր է դարձնում։ Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը, փոխանցում է The Guardian-ը։
«Ավելի շատ միջուկային զենքը և ավելի քիչ սպառազինությունների վերահսկողությունն աշխարհն ավելի վտանգավոր են դարձնում»,- ասել է Ստոլտենբերգը՝ կոչ անելով Ռուսաստանին վերանայել իր որոշումը։
«Սա սպառազինությունների վերահսկման վերաբերյալ մեր ունեցած վերջին հիմնական համաձայնագրերից մեկն է»,- հավելել է նա։
Ըստ Ստոլտենբերգի՝ սա «ընդամենը ևս մեկ օրինակ» է, որ հեռանում ենք միջազգային կանոնների վրա հիմնված կարգից:
«Նախագահ Պուտինն է սկսել այս կայսերական նվաճողական պատերազմը։ Ինչպես Պուտինն այսօր հստակեցրեց՝ պատրաստվում է ավելի շատ պատերազմի։ Պուտինը չպետք է հաղթի։ Դա վտանգավոր կլինի մեր անվտանգության և ամբողջ աշխարհի համար»,- հավելել է նա:
Իր հերթին, ԵՄ արտաքին քաղաքականության ղեկավար Ժոզեպ Բորելն ասել է, որ Կրեմլի որոշումը՝ հրաժարվել պայմանագրից, «հերթական ապացույցն է, որ այն, ինչ անում է Ռուսաստանը, քանդում է անվտանգության համակարգը, որը կառուցվել է սառը պատերազմի ավարտից հետո»:
Հիշեցնենք, որ այսօր Դաշնային խորհրդին ուղղված իր ուղերձում ՌԴ նախագահ Վլադիմիր Պուտինը հայտարարեց, որ Ռուսաստանը կասեցնում է մասնակցությունը Ռազմավարական հարձակողական սպառազինությունների պայմանագրին և Պաշտպանության նախարարությանն ու «Ռոսատոմ»-ին հանձնարարում է ապահովել ռուսական միջուկային զենքի փորձարկմանը նախապատրաստությունը։
Տաթև Ֆռանգյան
