20.04.2026 | 15:04
ՀԱՊԿ-ը Հարավային Կովկասում երկարատև խաղաղության հույս ունի՝ Բաքվի և Երևանի միջև համաձայնագրից հետո․ Մասադիկով
Իրանը պատրաստ է հյուրընկալել 3+3 ձևաչափի հանդիպումը. Աբդոլահիանը՝ ՌԴ ԱԳ փոխնախարարին
Քաղաքականություն
21.02.2023 | 11:31
Իրանի ԱԳ նախարար Հոսեյն Ամիր Աբդոլահիանն ընդունել է ՌԴ ԱԳ փոխնախարար Ալեքսանդր Գրուշկոյին, գրում է Mehr գործակալությունը։
Նշվում է, որ հանդիպման ընթացքում իրանցի բարձրաստիճան դիվանագետն ընդգծել է տարածաշրջանային համագործակցության կարևորությունը։ Նա նաև հայտարարել է Իրանի պատրաստակամության մասին՝ հյուրընկալել 3+3 ձևաչափի երկրների (Ռուսաստան, Իրան, Թուրքիա և Հարավային Կովկասի երեք երկրներ) արտգործնախարարների հանդիպումը։
Գրուշկոն իր հերթին կարևորել է Թեհրանի և Մոսկվայի միջև համագործակցության խթանումը՝ անդրադառնալով երկու երկրների համատեղ համագործակցությանը երկկողմ, տարածաշրջանային և միջազգային մակարդակներում:
Նա հանդիպել է նաև Իրանի ԱԳ նախարարի քաղաքական հարցերով տեղակալ Ալի Բաղերի Կանիի հետ։ Այս հանդիպմանը կողմերը քննարկել են տարածաշրջանային ու միջազգային մի շարք հարցեր, այդ թվում՝ պատերազմ Ուկրաինայում, իրավիճակը Աֆղանստանում, Սիրիայում, ինչպես նաև Կենտրոնական Ասիայում ու Կովկասում։
Էմմա Չոբանյան
