01.03.2026 | 20:16
Իրանի դեմ իրականացվող «Էպիկական կատաղություն» գործողության շրջանակներում զոհվել է ԱՄՆ երեք զինծառայող
ԵՄ-ն նախազգուշացրել է Չինաստանին՝ զերծ մնալ Ռուսաստանին զենք մատակարարելուց
Քաղաքականություն
20.02.2023 | 22:40
Եթե Չինաստանը սկսի զենք մատակարարել Ռուսաստանին, դա կանցնի «մեր հարաբերությունների կարմիր գիծը»։ Այս մասին Բրյուսելում ԵՄ արտաքին գործերի խորհրդի նիստից առաջ հայտարարել է Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը։
Նրա խոսքով՝ Պեկինը խոստացել է իրեն, որ դա տեղի չի ունենա, փոխանցում է DW-ի ռուսական ծառայությունը։
«Ես երկար զրույց ունեցա Վան Իի հետ։ Եվ ես հայտնեցի մեր լուրջ մտահոգությունը Չինաստանի կողմից Ռուսաստանին զենք մատակարարելու (հնարավորության) վերաբերյալ։ Խնդրեցի նրան դա չանել։ Հայտնեցի ոչ միայն մեր մտահոգությունը, այլև այն, որ մեր հարաբերությունների համար դա կլինի կարմիր գիծ»,- ասել է Բորելը լրագրողների հետ զրույցում։
Նա հավելել է, որ Վան Ին «ասել է՝ դա չի անի»։
«Սակայն մենք կպահպանենք զգոնությունը»,- նշել է Բորելը։
Ավելի վաղ ԱՄՆ պետքարտուղար Էնթոնի Բլինքենը հայտարարել էր, որ Վաշինգտոնը համակ ուշադրությամբ հետևում է, որպեսզի Չինաստանը Ռուսաստանին ռազմական օգնություն չտրամադրի։
Տաթև Ֆռանգյան
