26.07.2026 | 17:48
Բախվել են երկու ջրային սկուտեր․ ջրափրկարարները քաղաքացիներին դուրս են բերել լճից
Անկարան թույլ չի տա Թուրքիայի միջոցով շրջանցել ՌԴ-ի դեմ պատժամիջոցները․ Չավուշօղլուն՝ Բլինքենին
Քաղաքականություն
20.02.2023 | 15:51
Անկարան մտադիր չէ թույլ տալ Թուրքիայի միջոցով շրջանցել Ռուսաստանի դեմ ԱՄՆ-ի և Եվրամիության սահմանած պատժամիջոցները։ Այս մասին հայտարարել է Թուրքիայի արտգործնախարար Մևլութ Չավուշօղլուն՝ Թուրքիայի մայրաքաղաքում ԱՄՆ պետքարտուղար Էնթոնի Բլինքենի հետ բանակցություններից հետո կայացած մամուլի ասուլիսում, փոխանցում է ՏԱՍՍ-ը։
«Մենք չենք միանում Ռուսաստանի դեմ միակողմանի պատժամիջոցներին, սակայն աջակցում ենք ՄԱԿ-ի պատժամիջոցները: Բայց մենք նաև միջոցներ ենք ձեռնարկում և վերահսկում իրավիճակը, որպեսզի ԱՄՆ-ի և ԵՄ-ի պատժամիջոցները չշրջանցվեն Թուրքիայի միջոցով: ԱՄՆ գանձապետարանի ղեկավարը եկել էր մեզ մոտ, մենք տեղեկություն ենք ստանում ԵՄ ներկայացուցիչներից, այդ ամենը քննարկում ենք նախարարների կաբինետի նիստերում։ Մենք միջոցներ ենք ձեռնարկում, և դա թույլ չենք տա»,- հայտարարել է նա։
Տաթև Ֆռանգյան
