05.11.2024 | 16:25
Նորք-Մարաշում մեծահարուստներն ամեն մեկն իր տան դիմաց ճանապարհային խոչընդոտ էր դրել, վերացրինք․ Ավինյան․ ՏԵՍԱՆՅՈՒԹ
Զախարովան անդրադարձել է հայ-ադրբեջանական հարաբերությունների կարգավորմանն ուղղված ԱՄՆ ջանքերին
Քաղաքականություն
17.02.2023 | 14:35
ՌԴ ԱԳՆ-ն անդրադարձել է հայ-ադրբեջանական հարաբերությունների կարգավորմանն ուղղված ԱՄՆ ջանքերին։ Իր ամենշաբաթյա ճեպազրույցում ՌԴ ԱԳՆ-ի պաշտոնական ներկայացուցիչ Մարիա Զախարովան հայտարարել է, թե ՌԴ-ն չի տեսնում, որ «ԱՄՆ միջնորդական ջանքերը լցված լինեն իրական քայլերով»։ «Եթե ինչ-որ մեկը խափանել է հայ-ադրբեջանական հարաբերությունների կարգավորման հարցով Մինսկի խմբի գործունեությունը, ապա դա Արևմուտքն է ՝ ԱՄՆ գլխավորությամբ։ Մինսկի խմբի ձևաչափն ուղարկվել է պատմության աղբավայր այն բանից հետո, երբ ամերիկացի ու ֆրանսիացի համանախագահները հորինված պատճառաբանությամբ դադարեցրել են 2022 թվականի փետրվար ամսին ռուսաստանցի գործըներոջ հետ փոխգործակցությունը»,- հայտարարել է Զախարովան։
Զախարովայի խոսքով՝ այս ամենը հաշվի առնելով՝ ՌԴ-ն կենտրոնացել է եռակողմ փոխգործակցության վրա՝ հիմնվելով երեք երկրների ղեկավարների կողմից ձեռքբերված պայմանավորվածությունների վրա։ Անդրադառնալով հայ-ադրբեջանական հարաբերությունների հարցում ԱՄՆ-ի միջնորդական ջանքերին՝ Զախարովան հայտարարել է․ «Մենք չենք տեսնում, որ այդ միջնորդական ջանքերը լցված լինեն իրական քայլերով և ունենան ինչ-որ ավելացված արժեք»։
Տաթև Ֆռանգյան
