16.08.2026 | 20:10
Ուկրաինան սկսել է բրիտանական անօդաչուներ օգտագործել Ռուսաստանի խորքում գտնվող թիրախներին հարվածելու համար․ The Sunday Times
Բրիտանական հետախուզությունը՝ ՌԴ ԶՈՒ-ում կորուստների մասին
Քաղաքականություն
17.02.2023 | 23:03
ՌԴ Պաշտպանության նախարարության և մասնավոր ռազմական ընկերությունների ուժերը, հավանաբար, 175-ից մինչև 200,000 մարդու կորուստ են ունեցել Ուկրաինա ներխուժման սկզբից ի վեր: Այս ցուցանիշը, հավանաբար, ներառում է 40-60,000 սպանվածի։ Ռուսաստանի կորուստների թիվը զգալիորեն մեծացել է 2022 թվականի սեպտեմբերից՝ «մասնակի մոբիլիզացիա» հայտարարելուց հետո։ Այս մասին ասվում է բրիտանական հետախուզության ամենօրյա ամփոփագրում, գրում է BBC-ի ռուսական ծառայությունը։
Նշվում է, որ ժամանակակից չափանիշներով՝ այս թվերը ներկայացնում են սպանվածների և վիրավորների բարձր հարաբերակցությունը։ Դա գրեթե անկասկած պայմանավորված է զինված ուժերի մեծ մասի համար ծայրահեղ պարզունակ բժշկական աջակցությամբ:
«Ռուսաստանի կորուստների մեծ մասի պատճառը, հավանաբար հրետանին է։ «Վագներ» խմբի ուժերը ներգրավել են մեծ թվով բանտարկյալ-նորակոչիկների։ Նրանց շրջանում կորուստների թիվը հասնում է մինչև 50 տոկոսի»,- ասվում է ամփոփագրում։
Էմմա Չոբանյան
