18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՌԴ այցից հետո Ադրբեջանի Մեջլիսի խոսնակը հայտարարել է, թե Հայաստանում ԵՄ առաքելությունը կխոչընդոտի կարգավորման գործընթացին
Քաղաքականություն
17.02.2023 | 13:35
Ադրբեջանի Միլլի Մեջլիսի նախագահ Սահիբա Գաֆարովան հայտարարել է, թե Հայաստանում ԵՄ քաղաքացիական առաքելության տեղակայումը կխոչընդոտի կարգավորման գործընթացին, գրում են ադրբեջանական լրատվականները։
«Եվրոպայից հայ-ադրբեջանական սահման առաքելության ուղարկումը կարող է խոչընդոտել հարաբերությունների կարգավորման գործընթացին»,- ասել է Գաֆարովան։
Նա նշել է, որ Հայաստանում Ադրբեջանի հետ սահմանին Եվրամիության դիտորդական առաքելության տեղակայման առնչությամբ իր այս դիրքորոշումը հնչեցրել է Ռուսաստանում կայացած հանդիպումների ժամանակ։
Հիշեցնենք, որ օրերս Գաֆարովան պաշտոնական այցով Մոսկվայում էր, որտեղ հանդիպել է Պետդումայի նախագահ Վյաչեսլավ Վոլոդինին և Դաշնային խորհրդի նախագահ Վալետինա Մատվիենկոյին։
Գաֆարովայի հետ հանդիպմանը Վոլոդինը զգուշացրել էր եվրոպական կառույցներին, մասնավորապես՝ Եվրախորհրդարանին և ԵԽԽՎ-ին, տարածաշրջանում իրավիճակի կարգավորմանը ներգրավելու փորձերից՝ հիշեցնելով, թե, իբր, «ինչի է հանգեցրել նրանց գործունեությունն Ուկրաինայում»։
Էմմա Չոբանյան
