10.04.2026 | 19:42
«Հուշանվեր» թղթադրամներով խարդախություն Շենգավիթում․ ոստիկանների բացահայտումները
«Գումարները վերցնում են, գործերը՝ կոծկում. այսպես բանակի գործերը երբեք չեն բացահայտվի». սևազգեստ մայր․ ՏԵՍԱՆՅՈՒԹ
Հասարակություն
17.02.2023 | 12:17
«Ի սկզբանե քննչական մարմինները դատախազությունը, դատական բժիշկները փոխանակ ամեն ինչ անելու, որ բացահայտվեն հանցագործությունները, կոծկել են՝ գործերը տանելով փակուղի․ այսինքն՝ եթե բանակի գործ է, պետք է չբացահայտվի․ այս սկզբունքն է գործում»,- այս մասին «Ովքե՞ր և ինչո՞ւ են խոչընդոտում ոչ մարտական պայմաններում մահացած (սպանված) զինծառայողների գործերի բացահայտմանը» թեմայով ասուլիսում այս մասին նշեց ոչ մարտական պայմաններում մահացած զինծառայող Վալերիկ Մուրադյանի մայրը՝ Նանա Մուրադյանը։
13 տարի առաջ որդուն կորցրած մոր խոսքով՝ անպատժելիության հետևանքով է, որ մինչև այսօր ականատես ենք լինում դեպքերի, երբ ոչ մարտական պայմաններում մահանում են զինվորներ։
«Օրենքը մի՛ համապատասխանեցրեք ձեր գրպաններին,- հորդորեց մահացած զինվորի մայրը՝ ընդգծելով՝ գումարները վերցնում են, գործերը կոծկում և ասում են՝ հոդվածը չի փոխվելու։
«Բանակի գործերը չեն բացահայտվի, որովհետև դա մի մեծ շղթա է, որի մի օղակը եթե պոկվեց բազմաթիվ բարձրաստիճան պաշտոնյաներ ու զինվորականներ են գնալու բանտեր»,- նշեց Մուրադյանը։
Մանրամասները՝ տեսանյութում։
