16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Բայրամովն ու ՌԴ ԱԳՆ հատուկ ներկայացուցիչ Խովաևը քննարկել են Լաչինի միջանցքի արգելափակումը
Քաղաքականություն
15.02.2023 | 11:18
Ադրբեջանի ԱԳ նախարար Ջեյհուն Բայրամվոը նախօրեին ընդունել է Հայաստանի և Ադրբեջանի միջև հարաբերությունների կարգավորմանն աջակցելու հարցերով ՌԴ ԱԳ նախարարի հատուկ ներկայացուցիչ, ԵԱՀԿ Մինսկի խմբի ռուսաստանցի համանախագահ Իգոր Խովաևին։
Ադրբեջանի ԱԳՆ հաղորդմամբ հանդիպման ընթացքում կողմերը քննարկել են հայ-ադրբեջանական հարաբերությունների կարգավորման գործընթացի ներկա վիճակը, խաղաղության պայմանագրի շուրջ բանակցությունները, Լաչինի միջանցքում իրավիճակը։
Բայրամովն, ինչպես միշտ, կեղծ պնդումներ ու մեղադրանքներ է հնչեցրել Հայաստանի հասցեին, թե Երևանը խոչընդոտում է խաղաղության գործընթացին։ Նա նաև հայտարարել է, թե Լաչինի միջանցքը փակած Բաքվի ցուցարների «օրինական պահանջները չեն կատարվել և հայկական կողմն այդ իրավիճակն օգտագործում է իր քաղաքական նպատակներով՝ հարցը ուղղելով սխալ ուղղությամբ»։
Ըստ հաղորդագրության՝ հանդիպմանը նաև մտքեր են փոխանակվել տարածաշրջանային անվտանգության և փոխադարձ հետաքրքրություն ներկայացնող այլ հարցերի շուրջ։
Հավելենք, որ Խովաևը Բաքվում հանդիպել էր նաև Ադրբեջանի նախագահ Իլհամ Ալիևին, իսկ ավելի վաղ ՌԴ ԱԳՆ հատուկ ներկայացուցիչը այցով Երևանում էր։
Էմմա Չոբանյան
