Կործանման ենք գնալու՝ Ադրբեջանի հետ չխոսելով․ սպասենք՝ Արցախից դո՞ւրս գա մինչև վերջին հայը․ Գևորգ Գորգիսյան․ ՏԵՍԱՆՅՈՒԹ

Լուրեր

19.11.2026 | 18:10
Լատվիայի նոր կառավարությունը խոստացել է երկրի «ապառուսականացում» իրականացնել և սահմանափակել ռուսերենի օգտագործումը
19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
Բոլորը

Արցախի նախագահ Արայիկ Հարությունյանը նախաձեռնում է Սահմանադրության փոփոխության գործընթաց։ Ըստ նրա աշխատակազմի՝ Հարությունյանը ստորագրել է հրամանագիր, համաձայն որի՝ «նախաձեռնվել է Սահմանադրության փոփոխության գործընթաց՝ ռազմական դրության ժամանակ Հանրապետության նախագահի պաշտոնը թափուր մնալու դեպքում Ազգային ժողովի կողմից նախագահի ընտրության և դրա առանձահատկությունների վերաբերյալ»:

Այս փոփոխությունն արվում է՝ Ռուսաստան Արայիկ Հարությունյանի և Ռուբեն Վարդանյանի այցի մասին հրապարակումներից հետո, որոնք ո՛չ հերքվել են, ո՛չ հաստատվել։ Ի՞նչ է տեղի ունենում։

«Լուսավոր Հայաստան» կուսակցության փոխնախագահ Գևորգ Գորգիսյանը Factor TV-ին տված հարցազրույցում կարծիք է հայտնում, որ այս պահին Արցախի վերնախավում ներքաղաքական վերադասավորումների ժամանակը չէ․ «Եթե նման քայլերի են գնում, նշանակում է՝ այդտեղ պատասխանատվություն վերցնելու խնդիր կա։ Նա, ով ղեկավարում է Արցախը, պետք է պատրաստ լինի Ադրբեջանի հետ երկխոսել և նրա հետ պայմանավորվածությունների գալ։ Եթե ներքին այսպիսի պրոցեսների ենք գնում, կա՛մ այդտեղ ոչ լիարժեք են գիտակցում խնդիրները, կա՛մ պատրաստ չեն դիմակայել խնդիրներին։ Սա վկայում է, որ Արցախի քաղաքական էլիտան պատրաստ չէ ինքնուրույն դիմակայել այս խնդիրներին»։

Տեղեկություններ էին շրջանառվում, որ Արայիկ Հարությունյանի և Ռուբեն Վարդանյանի միջև կան հակասություններ Ադրբեջանի հետ ուղիղ բանակցել-չբանակցելու հարցով։ Վարդանյանը նաև գնալով Արցախ՝ պաշտոնից հեռացրեց Վիտալի Բալասանյանին, որը, ըստ կրկին չհերքված լուրերի, Ադրբեջանի հետ բանակցությունների մեջ է եղել տարբեր հարցերով։ Հարցին՝ գուցե տարակարծությունը նաև Ադրբեջանի հետ շփվելու շո՞ւրջ է, Գևորգ Գորգիսյանը պատասխանում է, որ շատ տարբերակներ իրականում չկան։

«Արայիկ Հարությունյանն է Արցախի ընտրված նախագահը, և նա պետք է բանակցի Ադրբեջանի հետ, իսկ Ռուբեն Վարդանյանը պետք է աջակցի նրան։ Փակուղի է Ադրբեջանի հետ չխոսելը, քանի որ Բաքուն ստեղծելու է հայաթափման պայմաններ։ Կործանման ենք գնալու՝ Ադրբեջանի հետ չխոսելով․ սպասենք՝ Արցախից մինչև վերջին հայը դո՞ւրս գա»,- հարց բարձրացրեց ԼՀԿ փոխնախագահը։

Հարցազրույցն ամբողջությամբ՝ տեսանյութում։

Ռոբերտ Անանյան