13.09.2026 | 18:54
Շոտլանդիան, Ուելսը և Հյուսիսային Իռլանդիան Մեծ Բրիտանիայի կազմից դուրս գալու հանրաքվե կպահանջեն․ The Telegraph
ՀԱՊԿ-ում հայտարարել են, թե Արևմուտքը փորձում է խարխլել իրավիճակը կազմակերպության պատասխանատվության գոտում
Քաղաքականություն
14.02.2023 | 14:53
Արևմուտքը թուլացնում է իրավիճակը ՀԱՊԿ պատասխանատվության գոտում, ՆԱՏՕ-ի բլոկի արևելյան թևում կոալիցիոն ուժերի թիվն ավելացել է 2,5 անգամ՝ հասնելով 33 հազարի։ Այս մասին հայտարարել է ՀԱՊԿ Միացյալ շտաբի ղեկավար Անատոլի Սիդորովը, գրում են ռուսական լրատվամիջոցները։
«Իրավիճակը ՀԱՊԿ պատասխանատվության գոտում, ցավոք, բնութագրվում է որպես բարդ և լարված: Անվտանգությանը սպառնացող մարտահրավերների և սպառնալիքների հիմնական աղբյուրն արևմտյան որոշ վերնախավերի խարխլող գործունեությունն է կազմակերպության շուրջ ու առանձին անդամ պետությունների ներսում»,- ասել է Սիդորովը։
Նա նշել է, որ առանձին պետություններ սեփական դիրքերը Կովկասում ամրապնդելու նպատակով նպաստում են ճգնաժամի թեժացմանը Հավաքական անվտանգության Կովկասյան շրջանում։
Ըստ Սիդորովի՝ ՆԱՏՕ-ն ավելի է ընդլայնվում Արևելյան Եվրոպայի տարածաշրջանում և ուժեղացնում է իր ռազմական ներկայությունն Արևելյան և Կենտրոնական Եվրոպայում:
Էմմա Չոբանյան
