25.11.2024 | 15:17
Խախտումներ շինհրապարակում. ԲԸՏՄ
Իսրայելցի, ավստրիացի և գերմանացի փրկարարները լքում են Թուրքիան անվտանգության սպառնալիքների պատճառով
Քաղաքականություն
13.02.2023 | 11:27
Իսրայելի փրկարար ծառայության ասոցիացիայի (Յհուդ Աթսալա) պատվիրակությունը երեկ երեկոյան վերադարձել է Իսրայել Թուրքիայում փրկարարական առաքելությունն ավարտելուց հետո, գրում է 9tv.co.il-ը։
Այս կազմակերպության ղեկավարության խոսքով՝ փրկարարական աշխատանքները ստիպված են եղել կրճատել «անվտանգության սպառնալիքների» պատճառով։ Որոշ ավերված բնակավայրերում գործում են կողոպտիչների զինված խմբավորումներ, ինչի պատճառով ավստրիացի և գերմանացի փրկարարներն արդեն հայտարարել են իրենց գործունեությունը դադարեցնելու մասին։ Իսրայելցիների համար սպառնալիքն ավելի շոշափելի է, քանի որ խոսքը թուրքական այն շրջանների մասին է, որոնք գտնվում է Սիրիայի սահմանին մոտ։ Այդ բնակավայրերից շատերում արաբները բնակչության մեծամասնությունն են կազմում, և հաճախ թշնամաբար են վերաբերվում իսրայելցիներին։ Իսրայելցի բժիշկների պատվիրակությունը, որը չի զբաղվում որոնողական աշխատանքներով, սակայն օգնություն է ցուցաբերում տուժածներին, առայժմ կմնա Թուրքիայում։
Իսրայելցի փրկարարներին հաջողվել է վեց օրվա ընթացքում ավերակներից փրկել 19 մարդու, չնայած դրան՝ տեղի բնակիչները, որոնք մնացել են առանց կացարանի, ջրի, սննդի և էլեկտրականության, աստիճանաբար անցնում են «վիշտից զայրույթի»։ Ըստ աղբյուրի՝ նրանք պաշարում են փրկարարական առաքելության ճամբարները՝ պահանջելով, որ նախ փնտրեն իրենց հարազատներին, հաճախ՝ զենքի սպառնալիքով: Թուրքական իշխանություններն ակնհայտորեն չեն կարողանում վերահսկել իրավիճակը և տուժածներին տրամադրել անհրաժեշտ ամեն ինչ։ Ամփոփելով ՝ պարբերականը գրում է, որ այս ամենը շատ դժվար և ռիսկային է դարձնում օտարերկրյա փրկարարների աշխատանքը։
Տաթև Ֆռանգյան
