08.06.2026 | 14:18
Եվրոպայի խորհրդի գլխավոր քարտուղարը շնորհավորել է Նիկոլ Փաշինյանին
Լաչինի հարցը քննարկել են ԱՄՆ, Ֆրանսիայի ԱԳ նախարարները․ Քերոբյանը՝ ներդրումների աճի մասին․ Լուրեր
Քաղաքականություն
10.02.2023 | 17:15
- ԵԱՀԿ-ում ՀՀ մշտական ներկայացուցիչ, դեսպան Արմեն Պապիկյանը ԵԱՀԿ Մշտական խորհրդի նիստի ընթացքում անդրադարձել է 2022թ. դեկտեմբերի 12-ից ի վեր Ադրբեջանի կողմից Լաչինի միջանցքի շրջափակման հետևանքով Արցախում առաջացած մարդասիրական ճգնաժամային իրավիճակին և հայտարարել է, որ հրամայական է Լեռնային Ղարաբաղ և Լաչինի միջանցք միջազգային փաստահավաք առաքելության գործուղումը։
- Ֆրանսիայի ԱԳ նախարար Կատրին Կոլոնան և ԱՄՆ պետքարտուղար Էնթոնի Բլինքենը հեռախոսազրույց են ունեցել և քննարկել են նաև Լեռնային Ղարաբաղի հակամարտությունն ու Լաչինի միջանցքի արգելափակումը։ Կողմերն ընդգծել են Լաչինի միջանցքով ազատ տեղաշարժի անհապաղ վերականգնման անհրաժեշտությունը։ Նշվում է, որ Ֆրանսիան և Միացյալ Նահանգները համատեղում են իրենց ջանքերն այս իրավիճակին վերջ դնելու համար՝ Հայաստանի վարչապետ Փաշինյանի և Ադրբեջանի ղեկավար Ալիևի շփումների միջոցով։
- Էկոնոմիկայի նախարար Վահան Քերոբյանը ԱԺ-ում հայտարարաել է, թե պետք է էապես ավելացնել ներդրումների դերը տնտեսության մեջ՝ հասցնելով տարեկան ներդրումների ծավալը համախառն ներքին արդյունքի 25 տոկոսին։ Նրա խոսքով՝ այժմ այդ թիվը 18 տոկոսի մոտակայքում է, դա անհրաժեշտ չափից ավելի քիչ է։
Այս ժամի լուրերը՝ տեսանյութում։
