Սարսափեցնող կադրեր Թուրքիայում երկրաշարժի չճանաչված զոհերի զանգվածային գերեզմաններից․ ԼՈւՍԱՆԿԱՐՆԵՐ

Համացանցում հայտնվել են Թուրքիայում երկրաշարժերի չճանաչված զոհերի զանգվածային գերեզմանների սարսափելի կադրեր, որտեղ մահացածներին թաղում են աճյունների հայտնաբերումից անմիջապես հետո։ Ամեն օր փլատակների տակից դուրս բերված զոհերին դիակառքերով տեղափոխում են գերեզմանոցներ, գրում է Los Angeles Times-ը։

Հուղարկավորությունից առաջ նրանցից վերցվում են ԴՆԹ նմուշներ՝ հետագա նույնականացման հնարավորության համար։

Փետրվարի 10-ի առավոտվա դրությամբ՝ Թուրքիայում հզոր երկրաշարժերի զոհերի թիվը հասել է 18,342-ի, ևս 72,242 մարդ վիրավորվել է։ Փետրվարի 6-ին 7,7 և 7,6 մագնիտուդով ստորգետնյա ցնցումներ են գրանցվել Քահրամանմարաշ նահանգում։ Սա հանգեցրել է լայնածավալ ավերածությունների թուրքական մի շարք այլ նահանգներում, այդ թվում՝ Գազիանթեփ, Շանլիուրֆա, Դիարբեքիր, Ադանա, Ադըյաման, Օսմանիյե, Հաթայ, Քիլիս, Մալաթիա և Էլազիգ։

Թուրքիայի կառավարությանն առընթեր Աղետների և արտակարգ իրավիճակների կառավարման վարչության (AFAD) տվյալներով՝ հզոր երկրաշարժերից հետո գրանցվել է ևս 1509 հետցնցում։

Բացի Թուրքիայից՝ դրանք ազդել են Սիրիայի և մի շարք այլ հարևան երկրների վրա, այդ թվում՝ Կիպրոսի, Հորդանանի, Լիբանանի, Իրաքի, Վրաստանի և Հայաստանի։

Ավելի վաղ ՌԴ Գիտությունների ակադեմիայի Տիեզերական հետազոտությունների ինստիտուտի գլխավոր գիտաշխատող Սերգեյ Պուլինեցը կարծիք էր հայտնել, որ միջուկային զենքի փորձարկումները, այդ թվում՝ ստորգետնյա, կարող էին երկրաշարժեր առաջացնել Թուրքիայում։

Տաթև Ֆռանգյան