20.04.2026 | 11:56
Երկու շաբաթվա ընթացքում 8 նոր ավտոբուսի գումար ենք հավաքագրել. Տիգրան Ավինյան․ ՏԵՍԱՆՅՈՒԹ
Թավրիզում Ադրբեջանի հյուպատոսության փակումը Թեհրանի ծրագրերում ներառված չէ․ Քանանի
Քաղաքականություն
09.02.2023 | 17:40
Իրանի Իսլամական Հանրապետության ԱԳ նախարարության ներկայացուցիչ Նասեր Քանանին հայտարարել է, որ Թավրիզում Ադրբեջանի հյուպատոսությունը չի փակվի։ Այս մասին հայտնում է EaDaily-ն՝ հղում կատարելով իրանական լրատվամիջոցներին։
«Իրանի Իսլամական Հանրապետության պաշտոնական քաղաքականությունը հարևան երկրների նկատմամբ հիմնված է հարաբերությունների պահպանման և զարգացման վրա»,- ասել է Իրանի արտգործնախարարության խոսնակը։
«Թավրիզում Ադրբեջանի Հանրապետության հյուպատոսությունը փակելու ծրագիր Իրանը չունի»,- ընդգծել է Քանանին։
Հիշեցնենք, որ հունվարի 27-ին Թեհրանում Ադրբեջանի դեսպանատան վրա հարձակումը հանգեցրել է իրանա-ադրբեջանական առանց այն էլ բարդ հարաբերությունների կտրուկ սրմանը։ Թեհրանում Ադրբեջանի դեսպանատան անդամների տարհանումից և գործունեության դադարեցումից հետո ԶԼՄ-ներում տեղեկություններ տարածվեցին, որ ադրբեջանական կողմը կարող է փակել նաև Թավրիզում հյուպատոսությունը։
Տաթև Ֆռանգյան
