09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
SpaceX-ը քայլեր է ձեռնարկել՝ Ուկրաինայի ԶՈՒ կողմից Starlink-ի օգտագործումը թույլ չտալու համար
Քաղաքականություն
09.02.2023 | 16:17
Ամերիկյան SpaceX ընկերությունը քայլեր է ձեռնարկել՝ թույլ չտալու ուկրաինացի զինվորականներին օգտագործել Starlink արբանյակային ինտերնետ ծառայությունը Ռուսաստանի հետ ռազմական գործողությունների ժամանակ անօդաչու սարքերը կառավարելու համար։ Այս մասին Վաշինգտոնում կայացած մամուլի ասուլիսում ասել է SpaceX-ի նախագահ և գլխավոր տնօրեն Գվին Շոթվելը, հայտնում է Reuters-ը։
«Starlink-ը երբեք նախատեսված չի եղել որպես զենք օգտագործելու համար»,- ասել է նա:
Ավելի ուշ Շոթվելը լրագրողների հետ զրույցում անդրադարձել է հաղորդագրություններին, որ ուկրաինացի զինվորականները Starlink-ն օգտագործել են անօդաչու թռչող սարքերը կառավարելու համար՝ հայտնաբերելով հակառակորդի դիրքերը, հեռահար կրակ են արձակել և ռումբեր նետել։
«Կան բաներ, որոնք մենք կարող ենք անել՝ սահմանափակելու նրանց կարողությունը դա անելու համար, և արդեն անում ենք»,- ասել է նա՝ նկատի ունենալով Starlink-ի օգտագործումն անօդաչու սարքերի աշխատանքի համար։
Նա, սակայն, հրաժարվել է մանրամասնել, թե կոնկրետ ինչ միջոցներ է ձեռնարկել SpaceX-ը:
Տաթև Ֆռանգյան
