25.06.2026 | 11:02
ՀՅԴ ՀԵՄ-ը պնդում է՝ Արցախի դրոշը վերականգնելու փորձի ժամանակ երկու անդամ բերման է ենթարկվել
Փաշինյանը՝ ՀԱՊԿ-ի, ԵՄ դիտորդների գալու մասին․ հայ փրկարարները հասել են Թուրքիա և Սիրիա․ Լուրեր
08.02.2023 | 19:20
- Վարչապետ Նիկոլ Փաշինյանը խորհրդարանում կառավարության հետ հարց ու պատասխանի ժամանակ հայտարարել է, որ Հայաստանի իշխանությունը ամենաշատն է հետաքրքրված Ադրբեջանի հետ ճանապարհների բացման հարցում, և դիմադրությունը հակառակ կողմից է։ Ըստ Փաշինյանի՝ փորձում են Հայաստանի համար բարձրացնել ճանապարհների բացման գինը։
- Եվրոպացի դիտորդների Հայաստան գալու թեմայով Փաշինյանն ասել է, որ իրենք ՀԱՊԿ-ից խնդրել են սկզբունքային բան՝ ճշգրտել ՀԱՊԿ-ի պատասխանատվության գոտին ՀՀ-ում, այսինքն՝ ասել իրենց պատկերացումը, թե որն է ՀՀ-ն: Ըստ Փաշինյանի՝ այս հարցի հստակ պատասխանը չեն ստացել: Մյուս կողմից՝ ըստ Փաշինյանի, ԵՄ քաղաքացիական առաքելության գործուղումը հնարավոր է դարձել, որովհետև Պրահայում տեղի ունեցած քառակողմ հանդիպման արդյունքում ԵՄ-ն՝ ՀՀ-ի և Ադրբեջանի մասնակցությամբ և համաձայնությամբ, հստակ գծագրել է, թե որն է ՀՀ-ն: Նրանք, ըստ Փաշինյանի, գալիս են այդ տարածքը մոնիթորինգ անելու:
- Հայաստանի փրկարարները ժամանել են Սիրիա և Թուրքիա՝ մասնակցելու թուրք-սիրիական սահմանի մոտ տեղի ունեցած երկրաշարժի որոնողափրկարարական աշխատանքներին մասնակցելու համար։ Սիրիական Sana գործակալությունը լուսանկարներ է հրապարակել՝ տեղեկացնելով, որ հայ փրկարարները ժամանել են Սիրիա։ Թուրքիա ժամանած հայ փրկարարներն էլ Ադըյաման քաղաքում արդեն միացել են փրկարարական աշխատանքներին։ Թուրքիայի խորրդարանի հայազգի պատգամավոր Կարո Փայլանը հայտարարել է, որ Ադըյամանում, որտեղ աշխատում են հայ փրկարարները, բնակչության կեսն արմատներով հայեր են։
Այս ժամի լուրերը՝ տեսանյութում։
