05.11.2024 | 13:29
Քննարկվել է «Մասդար»-ի նախագծում Հայաստանի կառավարությանը 15 % բաժնեմասի փոխանցումը
Զելենսկին պատերազմի սկզբից ի վեր առաջին անգամ մեկնում է Մեծ Բրիտանիա
Քաղաքականություն
08.02.2023 | 13:46
Ուկրաինայի նախագահ Վլադիմիր Զելենսկին այսօր ժամանելու է Մեծ Բրիտանիա՝ հանդիպելու վարչապետ Ռիշի Սունակին և ուկրաինացի զինվորականներին։ Այս մասին հայտնել են բրիտանական կառավարության ղեկավարի գրասենյակից, գրում է Sky News-ը։
Սա Զելենսկիի առաջին այցն է Մեծ Բրիտանիա անցյալ տարվա փետրվարին Ուկրաինա ռուսական ներխուժումից հետո: Այդ ժամանակից ի վեր նա ընդամենը մեկ արտասահմանյան ուղևորություն է կատարել, երբ մեկնել է Միացյալ Նահանգներ, իսկ վերադարձի ճանապարհին կանգ է առել Լեհաստանում:
Նշվում է, որ Զելենսկին և Սունակը քննարկելու են Բրիտանիայի աջակցությունը Ուկրաինային։ Սունակը պատրաստվում է առաջարկել ուժեղացնել Մեծ Բրիտանիայի ուսուցումն ուկրաինական զորքերի համար, այդ թվում՝ կործանիչների օդաչուների, որպեսզի նրանք կարողանան թռչել ՆԱՏՕ-ի ստանդարտ կործանիչներով։ Նա նաև առաջարկելու է նավաստիների համար անհապաղ վերապատրաստման ծրագիր սկսել:
Մեծ Բրիտանիան արդեն ուսուցանել է 10,000 ուկրաինացի զինվորականի վերջին վեց ամսվա ընթացքում, այս տարի ծրագրում է պատրաստել ևս 20,000-ին։
Էմմա Չոբանյան
