25.11.2024 | 13:17
Թուրքիան շարունակում է ջանքեր գործադրել՝ վերջ դնելու տարածաշրջանում լարվածությանը․ Էրդողանը՝ Պուտինին
Էստոնիան և Ռուսաստանը նվազեցրել են դիվանագիտական հարաբերությունների մակարդակը․ երկու երկրների դեսպանները դադարեցրել են աշխատանքը
Քաղաքականություն
07.02.2023 | 16:17
Էստոնիան և Ռուսաստանը նվազեցնում են դիվանագիտական հարաբերությունների մակարդակը։ ՌԴ-ում Էստոնիայի դեսպան Մարգուս Լայդրեն երեքշաբթի վաղ առավոտյան լքել է իր նստավայրը, գրում են ռուսական պետական գործակալությունները։
Սա նշանակում է, որ երկրների միջև դիվանագիտական հարաբերությունները նվազեցվել են գործերի ժամանակավոր հավատարմատարի մակարդակի։
Դիվանագիտական այս հակամարտությունը սկսվել է այս տարեսկզբին։ Հունվարի 11-ին Էստոնիան Մոսկվայից պահանջել է կրճատել ՌԴ դեսպանատան աշխատակիցների թիվը։ Էստոնիայի ԱԳ նախարարությունը հայտարարել է, որ այս կերպ կապահովվի հավասարություն Մոսկվայում Էստոնիայի դեսպանատան աշխատակիցների թվի հետ։
Ռուս-ուկրաինական պատերազմի սկզբից ի վեր Էստոնիան նվազագույնի է հասցրել երկկողմ հարաբերությունները Մոսկվայի հետ՝ փակելով Ռուսաստանի հյուպատոսությունները Նարվայում ու Տարտուում և արտաքսելով երեք ռուս դիվանագետների՝ դիվերսիայի մեղադրանքով: Ռուսաստանը համարժեք է պատասխանել։
Լատվիան նույնպես նվազեցրել է իր հարաբերությունների մակարդակը Ռուսաստանի հետ։ Այս երկրում Ռուսաստանի Դաշնության դեսպանին հրամայված է լքել Լատվիան մինչև փետրվարի 24-ը՝ Ուկրաինա ռուսական ներխուժման մեկնարկի տարելիցի օրը։
Տաթև Ֆռանգյան
