13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքիայի ընդդիմադիր պատգամավորները փրկարարական աշխատանքները ոչ համարժեք են համարում
Քաղաքականություն
07.02.2023 | 15:40
Թուրքիայի աշխատավորական կուսակցության պատգամավորները հայտարարել են, որ երկրաշարժից տուժած Հաթայ քաղաքում բնակիչները փորձել են ինքնուրույն փրկել փլատակների տակ գտնվողներին՝ առանց պաշտոնյաների օգնության, գրում է Gercek news-ը։
Մասնավորապես, պատգամավորներ Բարիս Աթայն ու Ահմեթ Շըքը խոսել են Հաթայի ավերածությունների մասին, որտեղ ոչ համարժեք փրկարարական աշխատանքները մարդկանց հուսահատության են մատնել:
«Սա փրկարարական գործողություն չէ, սա պեղում է»,- ասել են Հաթայի բնակիչները։
«Ես ցանկանում եմ ցույց տալ նրանց, որոնք ասում են, թե ամեն տեղ հասել են։ Տեսեք՝ այստեղ փրկարարական աշխատանք չկա, դրանք պեղումներ են, մարդիկ ինքնուրույն են աշխատում։ Շինարարական տեխնիկան բերել են իրենք՝ քաղաքացիները։ Ոչ ոք շինարարական տեխնիկա չի ուղարկում, փրկարարական խումբ չկա, ոչ ոք չկա»,- փլուզված շենքերից մեկի առջևից տեսաուղերձում ասել է պատգամավոր Բարիս Աթայը։
Նմանատիպ կարծիք է հայտնել նաև Ահմեթ Շըքը․ «Բառեր չկան՝ նկարագրելու Անթաքիայի կենտրոնում տեղի ունեցած ավերածությունները։ Քաղաքացիներն ասում են, որ իրենց ուժերով փլատակներից դուրս են բերել 6 հոգու»։
Հավելենք, որ Թուրքիայում ավերիչ երկրաշարժից հետո երկրորդ օրն է՝ որոնողափրկարարական աշխատանքները շարունակվում են։
Էմմա Չոբանյան
