Ռուսաստանը կարող է թիրախավորել արևմտյան ստորջրյա ենթակառուցվածքները. ահազանգում են վերլուծաբանները

Լուրեր

19.11.2026 | 20:30
«Ճողոպրել է բանակից», «Վիրավորվել եմ»․ հեռակա բանավեճ Փաշինյանի և «Ուժեղ Հայաստան»-ի պատգամավորի միջև. ՏԵՍԱՆՅՈՒԹ
19.11.2026 | 20:16
Ոստիկանները կանխել են գողություն կատարած երիտասարդների փախուստը․ երկու անձ ձերբակալվել է. ՆԳՆ
19.11.2026 | 20:00
Փաշինյանի առաջարկն ընդդիմությունը չպիտի ընդունի․ Սերժ Սարգսյանը ևս խոստանում էր վարչապետ չառաջադրվել․ Գևորգ Սաֆարյան․ ՏԵՍԱՆՅՈՒԹ
19.11.2026 | 19:48
ՀՀ որոշ շրջաններում ձյուն է տեղում
19.11.2026 | 19:35
«Արջ քորող»-ից մինչև «եղկելի»․ Գալյանի նախագիծը Փաշինյանին չի հուզում․ ՏԵՍԱՆՅՈՒԹ
19.11.2026 | 19:26
ՀՀ-ում կանցկացվի սպորտային մարմնամարզության մեծահասակների Եվրոպայի առաջնություն
19.11.2026 | 19:11
ՄԱԿ-ի դատարանը վճռել է, որ Մյանմարը ռոհինջաների նկատմամբ ցեղասպանություն է իրականացրել
19.11.2026 | 19:00
«Խոսելու ժամանակը կգա»․ դատավոր Գևորգ Պողոսյանը՝ իր մեղադրանքի մասին
19.11.2026 | 18:50
Նախարարը հորդորում է, որ համայնքի ղեկավարներն ինձ դատի տան, բայց ինքը չի տալիս․ Իրինա Յոլյան. ՏԵՍԱՆՅՈՒԹ
19.11.2026 | 18:37
Պուտինը պատմել է «փոխզիջումների» մասին, որոնց պետք է համաձայնել՝ պատերազմը դադարեցնելու համար
19.11.2026 | 18:29
Իտալական ակումբը պայմանագիր է կնքել շան հետ
19.11.2026 | 18:20
Հովհաննես Հովհաննիսյանը ևս 5 տարի կշարունակի լինել ԵՊՀ ռեկտոր
19.11.2026 | 18:10
Լատվիայի նոր կառավարությունը խոստացել է երկրի «ապառուսականացում» իրականացնել և սահմանափակել ռուսերենի օգտագործումը
19.11.2026 | 17:59
Ռուսաստանի պատասխանն ավելի ցավոտ կլինի․ Պուտինն առաջին անգամ մեկնաբանել է Ղրիմի կամրջին ուկրաինական հարվածները
19.11.2026 | 17:52
Նախազգուշացում եմ հայտարարում 75 համարի տակ հանդես եկող պատգամավորին․ Ռուբինյանը՝ Ղազարյանին․ ՏԵՍԱՆՅՈՒԹ
Բոլորը

Բնական գազի հսկայական արտահոսք էր արձանագրվել Բալթիկ ծովով, երբ սեպտեմբերին վնասվել էր Ռուսաստանը Գերմանիային կապող «Հյուսիսային հոսք» գազատարը:

«Ամերիկայի ձայն»-ը գրում է, որ ջրի հատակից ստացված տեսանյութերում երևում է, որ վնասվել է առնվազն 50 մետր խողովակաշար: Շվեդ հետաքննողները հայտնաբերեցին պայթեցման հետքեր:

Արևմուտքը Ռուսաստանին կասկածում է դիվերսիայի մեջ: Միջադեպից օրեր անց Մեծ Բրիտանիան հայտարարեց իր ստորջրյա պաշտպանական կարողությունների մեծացման ծրագրերի մասին:

«Ռուսաստանը չի թաքցնում, որ կարող է թիրախավորել նման ենթակառուցվածքներ: Այսպիսով, այդ պատճառով ցանկանում եմ հայտարարել, որ մենք վերջերս պարտավորվել ենք ստեղծել երկու մասնագիտացված նավեր, որոնք կարող են անվտանգ պահել մեր մալուխները և խողովակաշարերը»,- ասում է Մեծ Բրիտանիայի պաշտպանության նախարար Բեն Ուոլեսը:

Ըստ բրիտանական նավատորմի՝ այդ նավերից մեկը կգործի որպես «մայր նավ»՝ ապահովելով հեռահար և ինքնավար համակարգերի գործունեությունը՝ ստորջրյա վերահսկողության համար ծովի հատակին:

Միլիոնավոր կիլոմետր երկարությամբ ստորջրյա մալուխները և խողովակաշարերը կարևոր գլոբալ նշանակություն ունեն էներգիայի և տվյալների փոխանցման հարցում:

«Արևմուտքի մի շարք հակառակորդներ, հատկապես Ռուսաստանը, մշակում են հատուկ կարողություններ, օրինակ սուզանավեր՝ թիրախավորելու հենց այս ենթակառուցվածքները»,- նշում է Royal United Services Institute-ի վերլուծաբան Սիդհարթ Քաուշելը:

Ռուսաստանը հերքում է «Հյուսիսային հոսք» խողովակաշարերի նկատմամբ դիվերսիաներ իրականացնելու ակնարկները: Սակայն դիտորդներն ասում են, որ Կրեմլն ավելի ու ավելի է դիտարկում արևմտյան ստորջրյա ենթակառուցվածքները որպես թիրախներ: Դեկտեմբերի վերջին Ռուսաստանը գործարկեց չորս նոր ռազմանավ, այդ թվում՝ երկու միջուկային սուզանավեր։

«Նրանք ունեն բարձր ճշգրտության զենքեր և ռոբոտային համալիրներ»,- հայտարարել է Ռուսաստանի նախագահ Վլադիմիր Պուտինը:

Ի պատասխան՝ ՆԱՏՕ-ն և Եվրամիությունը անցյալ ամիս ստեղծեցին կարևոր ենթակառուցվածքների պաշտպանության համատեղ աշխատանքային խումբ: ՆԱՏՕ-ի գլխավոր քարտուղարը ներկայացրեց դաշինքի դիրքորոշումը՝ «Հյուսիսային հոսքի» պայթյունից հետո:

«Դաշնակիցների կարևոր ենթակառուցվածքի դեմ ցանկացած կանխամտածված հարձակում կարժանանա միասնական և վճռական պատասխանի։ Հիբրիդային և կիբերհարձակումները կարող են հանգեցնել 5-րդ հոդվածի կիրառմանը և դիտարկվել որպես զինված հարձակում ՆԱՏՕ-ի դաշնակցի դեմ»,- հայտարարել է ՆԱՏՕ-ի գլխավոր քարտուղարը:

Արևմուտքը պետք է հստակեցնի իր ներգրավվածության կանոնները, ասում է վերլուծաբան Քաուշալը: Այս տեսակի սպառնալիքներին հակազդելու համար անհրաժեշտ է, ըստ վերլուծաբանի, վերանայել կազմակերպչական կանոնակարգերը՝ մի կողմից մարդկային զոհերից խուսափելու, մյուս կողմից արդյունավետ հակահարված տալու համար:

Վերլուծաբաններն ասում են, որ ռազմածովային ուժերը պետք է արագ հմտանան ստորջրյա ենթակառուցվածքները պաշտպանելու համար, քանի որ հակառակորդները հիբրիդային պատերազմում նոր հարձակողական կարողություններ են զարգացնում: