Քաղաքականություն
05.02.2023 | 12:29
Կիպրոսում այսօր նախագահական ընտրություններ են․ քվեարկությունը սկսվել է տեղական ժամանակով առավոտյան ժամը 7-ին, հաղորդում է ՌԻԱ Նովոստին՝ հղում անելով Sigma հեռուստաալիքին։
Կիպրոսի բնակիչները կարող են քվեարկել կղզու 1113 ընտրատեղամասերում, իսկ արտասահմանում՝ 35 ընտրատեղամասերում։ Ընտրացուցակներում 18 տարեկանը լրացած 561 հազար մարդ կա։
«Քվեարկությունը սկսվել է առանց խնդիրների, Կիպրոսում և արտերկրի որոշ շրջաններում բաց են բոլոր ընտրատեղամասերը»,- քվեարկության մեկնարկից հետո ասել է ընտրական հանձնաժողովի ղեկավարը։
Կիպրոսի գործող նախագահ Նիկոս Անաստասիադիսը, ով երկիրը ղեկավարում է 2013 թվականից, չի առաջադրվել 2023 թվականին։
Նոր նախագահի անունը ընտրական հանձնաժողովը կհայտարարի փետրվարի 5-ին՝ ժամը 22.00-ին՝ հատուկ արարողությամբ, կամ փետրվարի 12-ին, եթե քվեարկության առաջին փուլով հաղթող չհայտնվի։
Եթե առաջին փուլում թեկնածուներից ոչ մեկը չհավաքի ձայների 50%-ից ավելին, ապա մեկ շաբաթ անց՝ փետրվարի 12-ին, կանցկացվի երկրորդ փուլ, որում կանցնեն առաջինում մյուսներից ավելի շատ ձայներ ստացած երկու թեկնածուները։
