25.11.2024 | 17:43
«Դեմոկրատական այլընտրանք» կուսակցությունը մասնակցելու է Գյումրիի ընտրություններին
Կիևը կարող է խզել դիվանագիտական հարաբերությունները Թեհրանի հետ
Քաղաքականություն
03.02.2023 | 19:21
Ուկրաինան կարող է ցանկացած պահի որոշել խզել դիվանագիտական հարաբերություններն Իրանի հետ՝ կախված Թեհրանի վարքագծից։ BBC-ի ուկրանական ծառայության հետ զրույցում այս մասին հայտարարել է Ուկրաինայի արտաքին գործերի նախարար Դմիտրի Կուլեբան, գրում է ՌԲԿ-ի ուկրաինական ծառայությունը։ Նախարարը նշել է, որ Ուկրաինան պատմականորեն ոչ մի վատ բան չի արել Իրանի նկատմամբ, այնինչ Թեհրանը սկսել է կամիկաձե անօդաչու սարքեր մատակարարել Ռուսաստանին՝ Ուկրաինայի դեմ ագրեսիայի համար։ Կուլեբայի դիտարկմամբ՝ Իրանը հատել է սահմանագիծը։
«Դա Իրանին մեր ազդանշանն է։ Անկախ նրանից, թե որքան ձեռնտու է ձեզ Ուկրաինայի դեմ համագործակցությունը Ռուսաստանի հետ, մենք ձեզ վստահեցնում ենք, որ այդ համագործակցության բացասական հետևանքները բազմիցս կգերազանցեն ցանկացած օգուտ: Հաջորդը Իրանի որոշումն է՝ ինչպես վարվել», ասել է նախարարը։ Կուլեբան նաև նշել է, որ նախագահ Վլադիմիր Զելենսկիին առաջարկել է խզել դիվանագիտական հարաբերությունները Իրանի հետ։ Ըստ նրա՝ որոշումը կարող է ընդունվել ցանկացած պահի՝ կախված Իրանի հետագա վարքագծից։
Էմմա Չոբանյան
