13.09.2026 | 20:00
Ո՞վ կարող է տուն առնել Երևանում․ անշարժ գույքի շուկայի «անհասանելի» ՇԵՐՏԵՐԸ․ ՏԵՍԱՆՅՈՒԹ
Թուրքիայի ՆԳ նախարարը ԱՄՆ-ի հասցեին կոշտ ու վիրավորական արտահայտություններ է արել
Քաղաքականություն
03.02.2023 | 17:14
Թուրքիայի ներքին գործերի նախարար Սուլեյման Սոյլուն այսօր Անթալիայում միգրացիայի կառավարմանը նվիրված միջոցառմանը մի շարք ուշագրավ հայտարարություններ է հնչեցրել, գրում են տեղական լրատվակամիջոցները։ Նա կրկին խոսել վերջին օրերին որոշ երկրների հյուպատոսությունների փակման մասին ու մեղադրանքներ հնչեցրել ԱՄՆ հասցեին։
«Թուրքիան այնպիսի դժբախտություն ունի, որ Ամերիկայի ամեն մի դեսպան, որը գալիս է Թուրքիա, շտապում է՝ «Ինչպե՞ս կարող եմ Թուրքիայում հեղաշրջում անել»։ Այսօր սա տարիներ շարունակ Թուրքիայի ամենակարևոր դժբախտություններից մեկն է, և այդպես է եղել միշտ։ Նա հավաքում է մյուս դեսպաններին ու փորձում խորհուրդներ տալ նրանց։ Նույնը անում են Եվրոպայում»,-ասել է Սոյլուն՝ պնդելով, որ նախագահ Էրդողանը խափանել է այդ ամենը։
«Ասում եմ այստեղ Ամերիկայի դեսպանին։ Ես գիտեմ, թե որ լրագրողներին եք գրում։ Հեռացրեք ձեր կեղտոտ ձեռքերը Թուրքիայից։ Ես ձեզ շատ պարզ եմ ասում։ Հեռացրեք ձեր կեղտոտ ձեռքերը Թուրքիայից։ Ես հստակ գիտեմ, թե ինչ եք արել, ինչ քայլեր եք ձեռնարկել և ինչպես եք ուզում Թուրքիային շփոթեցնել»,-ասել է Թուրքիայի ՆԳ նախարարը։
Հավելենք, որ անվտանգության նկատառումներից ելնելով, եվրոպական մի շարք երկրներ դադարեցրել են իրենց հյուպատոսությունների աշխատանքը Ստամբուլում։
Էմմա Չոբանյան
