17.12.2025 | 13:35
Տարեսկզբին Factor TV-ի հետաքննությունների հիմքով սկսած ուսումնասիրությունը դատախազությունը դեռ շարունակում է
Եվրամիությունը հայտարարություն է տարածել Նավալնիի դատավճռի տարելիցի կապակցությամբ
Քաղաքականություն
03.02.2023 | 15:55
Եվրամիության արտաքին գործերի գերագույն ներկայացուցիչ Ժոզեպ Բորելը Ալեքսեյ Նավալնիի բանտարկության երկրորդ տարելիցի կապակցությամբ հատուկ հայտարարությամբ դատապարտել է Ռուսաստանի իշխանություններին այն բռնությունների և խոշտանգումների համար, որոնց ենթարկվում է ընդդիմադիրը կալանքի տակ, գրում է VOA-ն։
Բորելի խոսքով՝ Ռուսաստանը «պատասխանատու է Նավալնիի անվտանգության և առողջության համար», որը «բանտախցից խիզախորեն շարունակում է արտահայտվել խոսքի ազատության օգտին և անկախ լրատվամիջոցների ճնշման դեմ»։
Եվրամիության ներկայացուցիչը նաև նշել է, որ «Ռուսաստանի անհիմն, չհրահրված և անօրինական պատերազմն Ուկրաինայի դեմ, որը շարունակվում է արդեն տասներկուերորդ ամիսը, միայն մեծացրել է ներքին բռնաճնշումները և համակարգված հալածանքները Կրեմլի քննադատների և, առհասարակ, քաղաքացիական հասարակության ներկայացուցիչների նկատմամբ»։
