01.11.2024 | 23:19
Հրդեհ Գյումրու տներից մեկում
Փաշինյանը՝ Լաչինում ռուս խաղաղապահների անգործության, Քերոբյանը՝ ադամանդի արտահանման աճի մասին․Լուրեր
Քաղաքականություն
03.02.2023 | 13:45
- Ստացվում է, որ Լաչինի միջանցքը չի գտնվում ռուսական խաղաղապահների վերահսկողության ներքո, ինչը ստեղծում է կոնկրետ խնդիրներ: Այս մասին Ռուսաստանի վարչապետի հետ հանդիպմանը ասել է Հայաստանի վարչապետ Նիկոլ Փաշինյանը։ Նա նշել է, որ արդեն ավելի քան մեկ ամիս է շրջափակվել է Լաչինի միջանքը, որ եռակողմ հայտարարության համաձայն պետք է լինի ռուսական խաղաղապահների վերահսկողության ներքո:
- Ադրբեջանի ղեկավար Իլհամ Ալիևը Բաքվում Հարավային գազային միջանցքի խորհրդատվական խորհրդի 9-րդ հանդիպմանը հայտարարել է, թե նախատեսում են մինչև 2027 թվականը կրկնապատկել ադրբեջանական գազի արտահանումը Եվրոպա։ Նա ռազմավարական գործընկերության փաստաթուղթ է անվանել Եվրահանձնաժողովի ղեկավար Ուրսուլա ֆոն դեր Լյայենի հետ ստորագրած համաձայնագիրը գազի մատակարարման վերաբերյալ։
- Հայաստանը նախորդ տարի արտահանել է ավելի քան 400 մլն դոլարի մշակված ադամանդ։ «Արմենպրես»-ի հետ զրույցում այս մասին ասել է ՀՀ էկոնոմիկայի նախարար Վահան Քերոբյանը: Նախարարը նշել է, որ Հայաստանից արտահանումը նախորդ տարի աճել է 77.7 տոկոսով, և վերաարտահանումը զգալի մաս է կազմել դրա մեջ։
Այս ժամի լուրերը՝ տեսանյութում։
