05.11.2024 | 18:46
ԱՄՆ-ում անկարգությունների դեպքում պատրաստվում են Ազգային գվարդիա ուղարկել Վաշինգտոն
Լավրովը հայտարարել է, որ Արևմուտքը ցանկանում է Վրաստանում իրավիճակը վերադարձնել «Սաակաշվիլիի ագրեսիվ ժամանակներին»
Քաղաքականություն
02.02.2023 | 13:31
Դմիտրի Կիսելևին տված հարցազրույցում Ռուսաստանի արտգործնախարար Սերգեյ Լավրովն անդրադարձել է Վրաստանի հետ հարաբերությունների հարցին։
«Այն, որ նրանք կցանկանային Վրաստանը վերածել հերթական գրգռիչի, իրավիճակը վերադարձնել «Սաակաշվիլիի» ագրեսիվ ժամանակներին, ես կասկած չունեմ»,- հայտարարել է ռուս նախարարը։ Լավրովը նշել է, որ Վրաստանի կառավարությունն առաջնորդվում է ազգային շահերով՝ չնայած Ռուսաստանի դեմ «երկրորդ ճակատ» բացելու Արևմուտքի կոչերին։
«Ես չեմ ուզում՝ որևէ մեկը մտածի, թե ես հիմա ուզում եմ այդ կառավարությանը դրական խոսքերով կոմպրոմատավորել․ ուղղակի մեջբերեմ այդ երկրի թե՛ վարչապետին, թե՛ նախարարներին, ովքեր, ի պատասխան պատժամիջոցներին միանալու աննախադեպ ճնշման, կամ բացեք երկրորդ ճակատը, նույնիսկ նման տերմինաբանություն է արդեն գործածվել , ասում են՝ գիտեք, մենք առաջնորդվում ենք մեր ազգային շահերով, մենք առևտուր ունենք Ռուսաստանի հետ, ունենք զբոսաշրջություն, ստանում ենք էներգետիկ ռեսուրսներ, և դա բխում է վրացական պետության և վրաց ժողովրդի շահերից»,- ասել է Լավրովը։
Տաթև Ֆռանգյան
