Կարո Փայլանը դիմել է Թուրքիայի ՆԳ նախարարին հայ համայնքի դեմ ահաբեկչական հարձակումների սպառնալիքների հարցով

Թուրքիայի խորհրդարանի քրդամետ Ժողովուրդների դեմոկրատական կուսակցության հայ պատգամավոր Կարո Փայլանը դիմել է  ներքին գործերի նախարար Սուլեյման Սոյլուին՝ պատասխանելու այն պնդումներին, որ Թուրքիայի փոքրամասնությունները կանգնած են ահաբեկչական հարձակումների սպառնալիքի առաջ, գրում են տեղական լրատվամիջոցները։

«Ճի՞շտ են արդյոք փոքրամասնությունների համայնքների վրա հարձակվելու ծրագրերի մասին պնդումները և ի՞նչ միջոցներ եք ձեռնարկել փոքրամասնությունների վրա հարձակումները կանխելու համար։ Հաստատությունների, պաշտամունքի վայրերի, փոքրամասնությունների համայնքների քաղաքացիական և հոգևոր ներկայացուցիչների վրա հարձակումների հնարավորության մասին հետախուզական տեղեկատվությունը մեծացրել է փոքրամասնությունների համայնքներում անհանգստությունը»,-նշել է Փայլանը։

Հավելենք, որ Թուրքիայի հայկական հիմնադրամների միության ղեկավար ու Սուրբ Փրկիչ ազգային հիվանդանոցի հիմնադրամի նախագահ Պետրոս Շիրինօղլուն նախազգուշացրել է հայ համայնքի ղեկավարներին ԻԼԻՊ-ի կողմից Թուրքիայում հոգևոր առաջնորդների հնարավոր սպանությունների մասին։ լրատվամիջոցի հետ զրույցում նա հայտնել էր, որ  դիմել է հայ համայնքի ղեկավարներին՝ երկու-երեք ամիս ձեռնպահ մնալ հանրային ցույցերին և մշակութային միջոցառումներին մասնակցելուց՝ որպես նախազգուշական միջոց, քանի որ  լուրեր է լսել, թե ԻԼԻՊ-ի երեք զինյալներ մտել են Թուրքիա՝ հոգևոր կամ քաղաքացիական առաջնորդներին սպանելու համար։

Էմմա Չոբանյան