16.11.2024 | 19:27
Հյուսիսային պողոտայում սրճարաններից մեկում բռնկված հրդեհի հետևանքով քաղաքացին դեմքի շրջանում ստացել է այրվածքներ
Հարցվածների 7,2%-ը կատարում է արտաժամյա աշխատանք, նրանցից միայն 28,4%-ն է հավելավճար ստանում․ Լիանա Բալյան․ ՏԵՍԱՆՅՈՒԹ
Հասարակություն
01.02.2023 | 17:25
Ընթանում է «Աշխատանքային իրավունքների պաշտպանությունը Հայաստանում՝ մարտահրավերներ և հնարավորություններ» թեմայով աշխատաժողովը, որի նպատակն է ամբողջացնել ՀՀ-ում աշխատանքային իրավունքների պաշտպանության մեխանիզմների հզորացման վերաբերյալ քաղաքացիական հասարակության կազմակերպությունների առաջարկությունները օրենսդրության, ինստիտուցիոնալ և գործնական կիրառման ուղղություններով:
«Հասարակական հետազոտությունների առաջատար խումբ» ՀԿ ներկայացուցիչ Լիանա Բալյանը ներկայացրեց «Արժանապատիվ աշխատանք հիմա» ծրագրի շրջանակներում իրականացված ուսումնասիրության ադյունքները։
«Ուսումնասիրությունն իրականացվել է աշխատողների և գործատուների շրջանում․ դեմ առ դեմ հարցազրույց է իրականացվել 1062 աշխատողների հետ և 138 գործատուների հետ։
Ուսումնասիրության մեջ ներառվել է աշխատանքային իրավունքների և հարաբերությունների ամբողջ սպեկտորը։
Հարցվածների 16,7 տոկոսը չունի աշխատանքային պայմանագիր։ Ոչ պայմանագրային աշխատանք են իրականացնում մեծամասմաբ այն հարցվողները, որոնք կրթական ավելի ցածր մակարդակ ունեն։
Որքան բարձր է աշխատողի կրթական մակարդակը, այնքան նա ավելի լավ է տեղեկացված իր աշխատանքային իրավունքերի մասին։
Հարցվածների 7,2%-ը կատարում է արտաժամյա աշխատանք, նրանցից միայն 28,4%-ն է հավելավճար ստանում»,- նշեց Բալյանը։
Մանրամասները՝ տեսանյութում։
