05.11.2024 | 20:40
Վալենսիան 31,4 միլիարդ եվրո է պահանջում կենտրոնական իշխանություններից ջրհեղեղից տուժածների համար
Արսեն Ավակովի տանը խուզարկություն է իրականացվել՝ Ուկրաինայի ՆԳ նախարարին տեղափոխող ուղղաթիռի կործանման գործով
Քաղաքականություն
01.02.2023 | 15:22
Ուկրաինայի Անվտանգության ծառայությունը և Հետաքննությունների պետական բյուրոն խուզարկություններ են անցկացրել ՆԳ նախկին նախարար Արսեն Ավակովի տանը։ Այս մասին UP-ին տված մեկնաբանությունում հայտնել է ինքը՝ Ավակովը, գրում է ՈւՆԻԱՆ-ը։
«Ուղղաթիռի կործանման գործող խուզարկություններն ավարտվեցին․ փնտրում էին 6 տարի առաջ Airbus-ի հետ կնքված պայմանագրերը, իհարկե, դրանցում ոչինչ չգտան»,- ասել է նախկին նախարարը: Ավակովն ընդգծել է, որ պայմանագրերը հաստատվել են Նախարարների կաբինետի և Ռադայի կողմից։
Բանն այն է, որ Բրովարիում կործանված ուղղաթիռը ձեռք է բերվել ՆԳՆ-ի համար, երբ վարչությունը ղեկավարում էր Արսեն Ավակովը։ 2018 թվականի աշնանը կնքված պայմանագրով Airbus-ը Կիևին պետք է մատակարարեր 55 ուղղաթիռ, որոնցից 21-ը՝ նախկինում օգտագործված:
Ավակովը ՆԳ նախարարի պաշտոնը զբաղեցնում էր 2014 թվականից։ 2021 թվականին նրան փոխարինեց Դենիս Մոնաստիրսկին, որն էլ զոհ էր գնացել հունվարի 18-ին Բրովարի քաղաքում Airbus H225 Super Puma ուղղաթիռի վթարի հետևանքով։ Վթարի պատճառները դեռ պարզված չեն։ Ուղղաթիռը ընկել էր մանկապարտեզի տարածքում՝ նաև երեխաների շրջանում զոհերի պատճառ դառնալով։
Տաթև Ֆռանգյան
