14.09.2026 | 20:06
Հայաստանի և Վրաստանի ՆԳ նախարարները քննարկել են հանցավորության դեմ պայքարի և անվտանգության ոլորտում համագործակցությունը
Իսրայելի ու Ադրբեջանի ՊՆ ղեկավարները հեռախոսազրույց են ունեցել
Քաղաքականություն
01.02.2023 | 13:21
Թեհրանի ու Բաքվի հարաբերությունների լարված իրավիճակում հերթական հեռախոսազրույցն է տեղի ունեցել Իսրայելի ու Ադրբեջանի պաշտոնյաների միջև։ Ադրբեջանական ԶԼՄ-ների հաղորդմամբ՝ իսրայելական կողմի նախաձեռնությամբ հեռախոսազրույց է տեղի ունեցել Ադրբեջանի պաշտպանության նախարար Զաքիր Հասանովի և Իսրայելի պաշտպանության նախարար Յոավ Գալանտի միջև։
Նշելով, որ ադրբեջանա-իսրայելական հարաբերությունները հիմնված են բարեկամության և փոխվստահության վրա, Գալանտը գոհունակություն է հայտնել հաստատված երկկողմ համագործակցության կապակցությամբ։ Հասանովն էլ իր հերթին շնորհավորել է Գալանտին Իսրայելի պաշտպանության նախարարի պաշտոնում նշանակվելու կապակցությամբ և վստահություն հայտնել ռազմական ոլորտում երկկողմ համագործակցության ընդլայնման հարցում։
«Հեռախոսազրույցի ընթացքում կողմերը խստորեն դատապարտել են կատարված ահաբեկչական գործողությունները, քննարկել տարածաշրջանային անվտանգության հարցերը և ռազմատեխնիկական համագործակցության հեռանկարները»,-ասվում է հաղորդագրության մեջ։ «Ահաբեկչական գործողություններ» ձևակերպումն, ըստ ամենայնի, վերաբերում է Թեհրանում Ադրբեջանի դեսպանատան վրա զինված հարձակմանը, որի հետևանքով զոհվել էր անվտանգության ծառայության ղեկավարը, ինչին հաջորդել էր դեսպանատան աշխատանքի դադարեցումը։
Էմմա Չոբանյան
