13.09.2026 | 20:00
Ո՞վ կարող է տուն առնել Երևանում․ անշարժ գույքի շուկայի «անհասանելի» ՇԵՐՏԵՐԸ․ ՏԵՍԱՆՅՈՒԹ
Կլինիկայի տնօրենը պնդում է, որ Միխեիլ Սաակաշվիլիին վերակենդանացման բաժանմունք տեղափոխելու կարիք չկա
Քաղաքականություն
01.02.2023 | 12:07
Վրաստանի նախկին նախագահ Միխեիլ Սաակաշվիլիին վերակենդանացման բաժանմունք տեղափոխելու կարիք չկա, կարծում է այն կլինիկայի տնօրեն Զուրաբ Չխեիձեն, որտեղ բուժում է անցնում քաղաքական գործիչը։
Նախօրեին Սաակաշվիլիի «Միացյալ ազգային շարժում» կուսակցության ներկայացուցիչները և նրա ընտանիքի անդամները հայտարարել էին, որ քաղաքական գործչին անհրաժեշտ է տեղափոխել վերակենդանացման բաժանմունք, և արդեն կատարվում են համապատասխան նախապատրաստական աշխատանքներ։
«Նրան տարբեր մասնագետներ են այցելել, նա վերակենդանացման բաժնի հիվանդ չէ»,- «Մտավարի արխի» հեռուստաընկերության եթերում ասել է տնօրենը։
Չնայած այս պնդումներին՝ Սահակաշվիլիի ընտանիքի անդամներն ամեն օր ահազանգում են քաղաքական գործչի ծանր վիճակի մասին։
Ավելի վաղ անկախ բժիշկները հայտնել էին, որ Սահակաշվիլին թունավորվել է ծանր մետաղներով։ Թբիլիսիի քաղաքային դատարանը քննարկում է Սաակաշվիլիի ազատազրկման ժամկետի հետաձգման գործը, որի դրական լուծման դեպքում Սաակաշվիլին կարող է արտերկրում բուժում ստանալ։
Տաթև Ֆռանգյան
