ՀՀ-ն այլևս չպիտի՛ Ադրբեջանի և ՌԴ-ի հետ թուղթ ստորագրի․ ռուսները զիջում են ՀՀ-ի շահերը․Բորիս Նավասարդյան․ՏԵՍԱՆՅՈՒԹ

Լուրեր

20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
20.11.2026 | 22:19
Բաքուն հայտնում է ահաբեկչական կազմակերպության անդամ Ադրբեջանի քաղաքացիների ձերբակալության մասին
20.11.2026 | 22:04
Հայաստանի մի շարք հասցեներում էլեկտրաէներգիայի անջատումներ կլինեն
20.11.2026 | 21:50
Ադրբեջանի ընդդիմության ղեկավարի կալանքի թեման ուշադրության կենտրոնում է եղել Գերմանիայի ԱԳ նախարարի՝ Բաքու կատարած այցի ժամանակ
20.11.2026 | 21:36
Հայաստանն ընդունել է Գազայից երեք պաղեստինցի երեխայի. նրանց մասնագիտացված բուժօգնություն կցուցաբերվի
20.11.2026 | 21:23
Թվային լուծումներ՝ մեկ էկոհամակարգում․ IDBank-ը՝ DigiTec 2026-ում
20.11.2026 | 21:11
Թրամփը հայտարարել է, որ Պուտինը Լեհաստանի ուղղությամբ «սխալմամբ մի քանի փոքր հրթիռ է արձակել»
20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
20.11.2026 | 20:37
ԵՄ-ն ու Մեծ Բրիտանիան Brexit-ից հետո կապերն ամրապնդելու համար «նշանակալի համաձայնագիր» են կնքել
20.11.2026 | 20:25
Գյումրիում ԵԱՏՄ երկրների մաքսային ծառայությունները 21 որոշում են ընդունել․ Հակոբյանը վերանշանակվել է կոլեգիայի փոխնախագահ
Բոլորը

 

Factor TV-ի հարցազրույցը Երևանի Մամուլի ակումբի նախագահ Բորիս Նավասարդյանի հետ

-Ռուսաստանը Հայաստանում ունենալով 102-րդ ռազմաբազա, հայ-ռուսական համատեղ զորախումբ, հակաօդային պաշտպանություն, ԱԴԾ-ի սահմանապահ զորքեր հայ-ադրբեջանական սահմանին, Սյունիքում ռազմական հենակետեր՝ չզսպեց Ադրբեջանի ագրեսիան, դա փաստ է, անգամ գնահատական չտվեց սեպտեմբերի 13-ի ագրեսիայից հետո ՄԱԿ-ի Անվտանգության խորհրդում և Լաչինի միջանցքի հարցով ձախողեց հայանպաստ հայտարարությունների ընդունումը։ Դրանով հանդերձ Ռուսաստանը ծանր հռետորաբնությամբ դժգոհում է, որ Հայաստանը դիմել և այստեղ է բերում ԵՄ դիտորդներ։ Ինչո՞ւ։

-Այդ մասին արդեն բազմաթիվ հայտարարություններ կան տարբեր քաղաքական վերլուծաբանների և ռուսաստանյան գործիչների կողմից, հստակ պատճառ է նշվում․ Հայաստանը մասնակցում է այնպիսի գործողությունների, որոնք նպաստում են Ռուսաստանին Հարավային Կովկասից դուրս բերելուն։ Դա, իրոք, այդպես է։ Այսինքն՝ որքան Արևմուտքը ակտիվանա Հայաստանում, այդքան Ռուսաստանի դիրքերն այստեղ թուլանալու են։ Ռուսաստանի տեսակետից հասկանալի է դժգոհությունը։ Բայց հասկանալի են նաև Հայաստանի քայլերը, որը պետք է մտածի իր անվտանգության մասին, և քանի որ Ռուսաստանն այլևս Հայաստանի ու հայության անվտանգության երաշխավորը չէ, մեր պետությունը ոչ թե կարող է, այլ պարտավոր է ընտրել այլ եղանակներ իր խնդիրները լուծելու համար։ Բայց աջակցություն ստանալու համար դիմելով տարբեր երկրների, տարբեր միջազգային կառույցների՝ Հայաստանը չպետք է բացառի Ռուսաստանի որոշակի դերը։ Պարզապես պետք է Մոսկվայի գործընկերներին հստակ բացատրել, որ հայ-ռուսական հարաբերություններն ունեն բազմաթիվ հիմքեր, լուրջ պայմանագրային բազա, այսինքն՝ ՌԴ-ն իր ձեռքում ունի ամեն ինչ, որպեսզի Հայաստանի նկատմամբ իր պարտավորությունները կատարի, մենք դրան չենք խանգարի․ Հայաստանը չի հրաժարվում ՌԴ-ի աջակցութունից, ՀԱՊԿ-ի դերից, բայց քանի որ դրանք բավարար չեն, Հայստանը պարտավոր է գտնել այլընտրանքային հնարավորություններ։

-Կարծում եք՝ Մոսկվայում չե՞ն հաշվարկել, որ իրենց անգործության հետևանքն է այս գործընթացը։ Որևէ մեկը Մոսկվային չէր խանգարում գնահատական տալ Ադրբեջանի ագրեսիային։

-Շատ լավ գիտակցում են։ Եվ այն մարդիկ, որոնք կարող են իրենց թույլ տալ քիչ թե շատ անկեղծ խոսել այդ թեմայով, օրինակ՝ Կոնստանտին Զատուլինը, նշում են, որ այն, ինչ այսօր առկա է հայ-ռուսական հարաբերություններում, Ռուսաստանի կողմից իր պարտավորությունները չկատարելու հետևանքն է։ Այսինքն՝ քաջատեղյակ են։

-Մոսկվայի հայտարարության մեջ նշվում է, որ ԵՄ մուտքը Հայաստան կարող է աշխարհաքաղաքական առճակատում բերել տարածաշրջան և սրել առկա հակասությունները, ռուս խաղաղապահները ԼՂ-ում և սահմանապահները ՀՀ-ում կարձագանքեն ԵՄ դիտորդների գործողություններին՝ հաշվի առնելով իրավիճակի զարգացումը։ Սա ի՞նչ ակնարկ է, սպառնալի՞ք է։

-Սա շարունակությունն է այն քաղաքականության, որը լինելով անկարող տարածաշրջանում բազմաթիվ խնդիրներ լուծելու, կիրառում է Ռուսաստանը Հայաստանի նկատմամբ՝ այսինքն՝ սպառնալիք, որպեսզի Հայաստանը ճնշման տակ հրաժարվի այն քայլերից, որոնք բխում են իր շահերից և իր անվտանգության կարիքներից։ Մի քանի անգամ ականատես ենք եղել, որ Հայաստանը ենթարկվում է այդ ճնշմանը․․․ Հուսով եմ՝ այլևս Մոսկվայի ճնշումներն արդյունք չեն տալու։

Հարցազրույցն ամբողջությամբ՝ տեսանյութում։

Մանրամասները՝ տեսանյութում։