17.05.2026 | 19:49
Մենք մի հատ «ջարդված մատ» ունենք, անունը՝ Նիկոլ Փաշինյան, որը պետք է պոկենք և վռնդենք․ Քոչարյան․ ՏԵՍԱՆՅՈւԹ
Մնացական Մարտիրոսյանը նշանակվեց Երևան քաղաքի առաջին ատյանի ընդհանուր իրավասության քրեական դատարանի նախագահ
Հասարակություն
30.01.2023 | 19:55
Քաղաքական մի շարք աղմկահարույց գործերով հայտնի դատավոր Մնացական Մարտիրոսյանը նշանակվել է Երևան քաղաքի առաջին ատյանի ընդհանուր իրավասության քրեական դատարանի նախագահ՝ երեք տարի ժամկետով. նախագահ Վահագն Խաչատուրյանի այսօր հրամանագիր է ստորագրել այս մասին։
Հիշեցնենք՝ հասարակական մի շարք կազմակերպություններ բաց նամակ էին տարածել` ընդգծելով՝ անթույլատրելի են համարում Մնացական Մարտիրոսյանին Երևանի Ընդհանուր իրավասության քրեական դատարանի նախագահ նշանակելը, քանի որ նա «շարունակում է մնալ ոչ բարեվարք դատավոր»։
Նախորդ տարվա նոյեմբերին հայտնի էր դարձել, որ Հակակոռուպցիոն դատարանի դատավորների կազմում ընդգրկելու համար ԲԴԽ-ն երկու թեկնածուներից նախապատվությունը տվել է Մնացական Մարտիրոսյանին։ Իրավական և քաղաքական դաշտում բուռն քննարկումներ սկսվեցին, հնչեցին քննադատություններ՝ թե ինչու է աղմկոտ դատավճիռներով հայտնի Մարտիրոսյանը առաջխաղացվում։ Մոտ մեկ ամիս տևած խմորումներից հետո ԲԴԽ-ն տարվա վերջին աշխատանքային օրը հայտարարեց, որ որոշում է կայացվել Մարտիրոսյանի անունը հանել թեկնածուների ցուցակից։
Նախագահ Խաչատուրյանի հրամանագրով դատավորներ են նշանակվել տարբեր մարզերի դատարաններում, իսկ Արգիշտի Ղազարյանը նշանակվել է Վարչական դատարանի նախագահի պաշտոնում։
Ռոզա Վարդանյան
