17.05.2026 | 18:48
Լսի՛, այ կալուգացի, ես քեզ ասել եմ` պետությունը կոկորդումդ ա մնալու, խռխռալու ես. Փաշինյան․ ՏԵՍԱՆՅՈւԹ
ԱՄՆ-ի ու Չինաստանի միջև հակամարտության հավանականությունը չափազանց բարձր է․ Մաքքոլ
Քաղաքականություն
30.01.2023 | 22:21
ԱՄՆ Ներկայացուցիչների պալատի արտաքին հարաբերությունների հանձնաժողովի նոր նախագահ, հանրապետական Մայք Մաքքոլը կիրակի օրը հայտարարել է, որ Թայվանի շուրջ Չինաստանի հետ հակամարտության հավանականությունը «շատ մեծ է», գրում է VOA-ն։
Մեկնաբանությունը եղել է այն բանից հետո, երբ գեներալ Մայք Մինիհանը, որը ղեկավարում է Օդային փոխադրումների ավիացիոն հրամանատարությունը, իր հուշագրում զգուշացրել է, որ ԱՄՆ-ի և Չինաստանի միջև պատերազմ հնարավոր է առաջիկա երկու տարվա ընթացքում. «Իմ ինտուիցիան ասում է, որ մենք պատերազմի մեջ ենք լինելու 2025 թվականին»,-գրել էր նա: «Հուսով եմ, որ նա սխալվում է… Բայց ես կարծում եմ, որ նա ճիշտ է», – ասել է Մաքքալը Fox-ին:
Գեներալի կարծիքը չի արտացոլում Պենտագոնի տեսակետը, այլ ցույց է տալիս ամենաբարձր մակարդակով ԱՄՆ զինվորականների մտահոգությունը Թայվանի նկատմամբ վերահսկողություն հաստատելու Չինաստանի հնարավոր փորձի վերաբերյալ։
Ե՛վ ԱՄՆ-ում, և՛ Թայվանում նախագահական ընտրություններ կանցկացվեն 2024 թվականին՝ պոտենցիալ հնարավորություն ստեղծելով Չինաստանի համար ռազմական գործողություններ ձեռնարկելու համար, գրում է Minihan-ը։
Մաքքոլը նշել է, որ եթե Չինաստանը չկարողանա վերահսկողություն հաստատել Թայվանի վրա ոչ բռնի միջոցներով, «նրանք կքննարկեն ռազմական ներխուժման հնարավորությունը։ Մենք պետք է պատրաստ լինենք սրան»։
Տաթև Ֆռանգյան
