17.12.2025 | 16:42
Մարտունու մի գազալցակայանում հայտնաբերվել են թույլատրելի նորմը 8 և 10 անգամ գերազանցող շեղումներ
Թուրքիան փետրվարին գագաթնաժողով կանցկացնի՝ քննարկելու Ռուսաստանի առաջարկած գազային հանգույցի ստեղծումը
Քաղաքականություն
30.01.2023 | 20:10
2023 թվականի փետրվարի 14-15-ը Ստամբուլում տեղի կունենա Ստամբուլի գազային գագաթնաժողովը, որին կմասնակցեն Մերձավոր Արևելքից, Միջերկրական ծովից և Կենտրոնական Ասիայից կապույտ վառելիք արտահանող երկրները, ինչպես նաև եվրոպական սպառող երկրների ներկայացուցիչներ ։ Այս մասին այսօր հայտարարել է Թուրքիայի էներգետիկայի և բնական պաշարների նախարար Ֆաթիհ Դյոնմեզը, գրում է Անադոլուն։ Համաժողովի կարգախոսն է «Միասին ապահովենք ապագան» (Securing the Future Together)։
«Թուրքիան շարունակում է իր «էներգետիկ դիվանագիտությունը», որի նպատակն է երկիրը վերածել հանգույցի։ Միայն անցած տարվա ընթացքում Թուրքիայի էներգետիկայի նախարարության պատվիրակություններն այցելել են Կենտրոնական Ասիայի և Պարսից ծոցի շուրջ 15 երկրներ»,- ասել է նախարարը։ Նրա խոսքով՝ այսօր Անկարան Բուլղարիայի հետ միասին քննարկում է Հյուսիսային Մակեդոնիա, Ռումինիա և Մոլդովա գազի մատակարարման հարցը։
Թուրք նախարարը նաև հայտնել է, որ BOTAŞ պետական ընկերության ղեկավարը գտնվում է Օմանում։ «Մենք պատրաստվում ենք 10 տարվա պայմանագիր կնքել Օմանի հետ՝ տարեկան 1,4 միլիարդ գազ գնելու շուրջ», – ասել է Դյոնմեզը։
Հիշեցնենք, որ Ռուսաստանի Դաշնության և Թուրքիայի նախագահներն ավելի վաղ հանձնարարել էին մանրամասն մշակել Թուրքիայում գազային հանգույց ստեղծելու հարցը, որի գաղափարն, ի դեպ, առաջարկել է ՌԴ նախագահ Վլադիմիր Պուտինը։ Ադրբեջանը ևս աջակցում է այս նախաձեռնությունը և ակտիվ բանակցում է թուրքական կողմի հետ։
Էմմա Չոբանյան
