01.05.2024 | 23:13
Էդ ֆորպոստացումը դրսից ա՞ տեղի ունենում, թե ներսից. Փաշինյան. ՏԵՍԱՆՅՈՒԹ
Իրանում Ադրբեջանի դեսպանության աշխատակիցների տարհանումն ավարտվել է
Քաղաքականություն
30.01.2023 | 12:12
Բաքուն տարհանել է Իրանից Ադրբեջանի դեսպանատան աշխատակիցներին։ Ադրբեջանական լրատվամիջոցների փոխանցմամբ՝ Իրանում Ադրբեջանի դեսպանատան աշխատակիցներին և նրանց ընտանիքների անդամներին տեղափոխող ինքնաթիռը կիրակի երեկոյան վայրէջք է կատարել Բաքվում։ Տարհանումն իրականացվել է «Ադրբեջանական ավիաուղիներ»-ի հատուկ չվերթով։ Բաքու է տարվել նաև դեսպանատան անվտանգության ծառայության պետ Օրհան Ասկերովի դին։
Հիշեցնենք՝ Թեհրանում Ադրբեջանի դեսպանատան վրա օրեր առաջ զինված հարձակում էր տեղի ունեցել․ 1 մարդ զոհվել է, կան վիրավորներ, հարձակվողին ձերբակալել են։ Պաշտոնական Բաքուն Իրանում Ադրբեջանի դեսպանատան վրա իրականացված հարձակումն «ահաբեկչություն» է որակել։ Հարձակման վերաբերյալ Թեհրանի քրեական դատախազի պաշտոնակատարն ասել է, որ զինված անձը Թեհրանում Ադրբեջանի դեսպանատան վրա հարձակվել է անձնական դրդապատճառներով։
Էմմա Չոբանյան
