26.07.2026 | 21:56
Խուդաթյանը շրջայց է կատարել Իրանում կառուցվող թունելում և ճանապարհի կառավարման կենտրոնում
Խաղաղության պայմանագիրը պետք է անպայման ստորագրվի, այլապես ռիսկերը մեր տարածաշրջանում կարող են աճել․ Ալիև
Քաղաքականություն
28.01.2023 | 17:32
Ադրբեջանի նախագահ Իլհամ Ալիևը հայտարարել է, որ Բաքուն և Երևանը պետք է խաղաղության պայմանագիր ստորագրեն հարաբերությունների կարգավորման համար:
«Հայ-ադրբեջանական Լեռնային Ղարաբաղի հակամարտությունն ավարտված է, այդ հակամարտությունն արդեն լուծված է։ Ղարաբաղը մնում է Ադրբեջանի անբաժանելի մասը և ընդմիշտ այդպիսին կլինի»,- Interfax-ի ադրբեջանական ծառայության հաղորդմամբ՝ ասել է Ալիևը շաբաթ օրը ՝ հանդես գալով Բաքվում Եգիպտոսի նախագահ Աբդուլ Ֆաթթահ աս Սիսիի հետ բանակցությունների արդյունքների վերաբերյալ համատեղ հայտարարությամբ։
Ալիևի խոսքերով՝ Ադրբեջանն «ապաօկուպացրել» է իր տարածքը, դրանով իսկ մերձեցրել է խաղաղությունը Հայաստանի հետ։
«Բայց դեռ խաղաղություն չի հաստատվել. խաղաղության պայմանագիրը, որը կստորագրվի Ադրբեջանի և Հայաստանի միջև, կհանգեցնի խաղաղության։ Մենք մեր առաջարկներն ենք արել և նախկինի պես կարծում ենք, որ խաղաղության պայմանագիրը պետք է անպայման ստորագրվի։ Հակառակ դեպքում՝ ռիսկերը մեր տարածաշրջանում կարող են աճել», – հավելել է Ադրբեջանի նախագահը։
