14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Այս իշխանությունը կորցրել է կապը սփյուռքի հետ, բզկտված ենք թե´ ներսից, թե´ դրսից. Եղիշե Պետրոսյան․ ՏԵՍԱՆՅՈՒԹ
Հաղորդաշարեր
28.01.2023 | 19:00
«Մենք կիսագաղութ վիճակում ենք և այդպես էլ չկարողացանք ինքնապաշտպանական, հետախուզական ինստիտուտներ ունենալ, մեր բոլոր ուժային կառույցները զբաղված են իշխանությանը սպասարկելով, պահելով: Իսկ հասարակությանը նետել են «Ֆեյսբուքի» հնարավորություն, շատերն այդտեղ դրսևորվում են, այդտեղ հայհոյում են և կարծում, թե դա և´ դատաստան է, և´ պատիժ իշխանության համար, արդեն հանգիստ են: Էկրաններից խոսող գլուխների մեծամասնությունն այսօր աշխատում է Հայաստանի դեմ»,- Factor TV-ի հետ զրույցում նման տեսակետ է հայտնում երգիչ, երգահան Եղիշե Պետրոսյանը:
Նրա խոսքով` 2018-ից ի վեր այս իշխանության ամենամեծ սխալներից մեկն այն է, որ չկարողացավ դուրս գալ «ռուսի սապոգի տակից».
«ՀԱՊԿ կոչված դիահերձարանում, ծերանոցում, այդ վանդակում մենք ի՞նչ գործ ունենք, հենց այդտեղ մնալը մեզ բերեց-հասցրեց այս օրվան»:
Եղիշե Պետրոսյանը խոսում է նաև պետության համար վճռորոշ, շրջադարձային պահերին մեր մտավորականների լուռ կեցվածքի մասին. «Արվեստի, գիտության մարդիկ որպես քաղաքացի իրենց տեղում չեն: Ի՞նչ է նշանակում` ես քաղաքականությամբ չեմ զբաղվում, ասում եմ` ղալաթ ես անում: Այս ավերածության մեջ, որտեղ ժողովուրդը չգիտի` ում լսի, ինչ անի, դուք ինչի՞ համար եք: Դա մտավորականի կեցվածք չէ, դուք ձեր տեղում չեք, այս ծանր վիճակում ժողովրդին անտեր թողնելու իրավունք չունեք»:
Մանրամասները` տեսանյութում:
Աննա Բաբաջանյան
