05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Թուրքիան հույս ունի մեկ տարվա ընթացում սկսել Մոսկվայի առաջարկած գազային հանգույցի շահագործումը
Քաղաքականություն
27.01.2023 | 22:49
Թուրքիան հույս ունի մեկ տարվա ընթացքում սկսել Ռուսաստանի առաջարկած գազային հանգույցի շահագործումը: Այս մասին հայտարարել է Թուրքիայի էներգետիկայի և բնական պաշարների նախարար Ֆաթիհ Դյոնմեզը, գրում է ՌԻԱ Նովոստին։
«Արևելյան և հարավ-արևելյան Եվրոպայում գազի առևտրի կենտրոն չկա: Տարածաշրջանի երկրները, որոնց հետ մենք կապեր ենք պահպանում, նույնպես աջակցում են գազային կենտրոնի նախագծին: Հուսով եմ, որ մենք կկարողանանք գազային կենտրոնը շահագործել մեկ տարվա ընթացում»,- ասել է Դյոնմեզը։
Ռուսաստանի Դաշնության և Թուրքիայի նախագահներն ավելի վաղ հանձնարարել էին մանրամասն մշակել Թուրքիայում գազային հանգույց ստեղծելու հարցը, որը, ի դեպ, առաջարկել է ՌԴ նախագահ Վլադիմիր Պուտինը։
Ադրբեջանը ևս աջակցում է այս նախաձեռնությունը և ակտիվ բանակցում է թուրքական կողմի հետ։
Էմմա Չոբանյան
