22.11.2024 | 19:18
Կարեն Սարուխանյանը հրապարակել է օրգանիզմում թմրանյութի առկայությունը ստուգող թեստի արդյունքները
Տաթևիկ Ստեփանյանը շարունակում է չմեկնաբանել․ ՔՊ-ն ՄԻՊ պաշտոնում նրա թեկնածության հարցը չի քննարկել
Քաղաքականություն
27.01.2023 | 13:16
Աշխատանքի և սոցիալական հարցերի փոխնախարար Տաթևիկ Ստեփանյանը շարունակում է առայժմ չմեկնաբանել՝ Մարդու իրավունքների պաշտպանի պաշտոնը ստանձնելու առաջարկ ստացե՞լ է, թե՞ ոչ։ «Ներողություն, ես ոչինչ չեմ մեկնաբանում»,- այսօր Factor․am-ի հետ զրույցում ասաց Ստեփանյանը։
Մեր դիտարկմանը, որ արդեն մի քանի օր է, ինչ շրջանառվում են Ստեփանյանի թեկնածություն վերաբերյալ լուրերը, ինչո՞ւ վերջինս չի հերքում կամ հաստատում տեղեկությունը՝ Ստեփանյանը պատասխանեց, թե մենք իրեն խանգարում ենք։
«Հիմա՝ աշխատանքային ժամին, Ձեր գործընկերնրից մեկին հարցազրույց եմ տալիս շատ ավելի կարևոր բարեփոխումների թեմայով և հիմա ինձ խանգարում եք, ձեզ լավ օր եմ մաղթում հաջողություն»,- ասաց Տաթևիկ Ստեփանյանն, որն, առավոտյան մեր հեռախոսազանգին չէր պատասխանել, բայց որոշ ժամանակ անց մեզ հետ էր զանգահարել։
Factor.am-ի տեղեկություններով՝ Քաղաքացիական պայմանագիրը ՄԻՊ պաշտոնում Տաթևիկ Ստեփանյանի թեկնածությունը չի դիտարկում, ԱԺ իշխանական խմբակցությունում դեռևս ՄԻՊ պաշտոնի թեկնածուի հարց չի էլ քննարկվել։
Արաքս Մամուլյան
