25.11.2024 | 18:32
ՆԱՏՕ-ի նորանշանակ գլխավոր քարտուղարն առաջին անգամ Թուրքիայում է․ նրան ընդունել է Էրդողանը
Meta-ն կվերականգնի Թրամփի Facebook-ի և Instagram-ի օգտահաշիվները
Քաղաքականություն
26.01.2023 | 22:45
Meta Platforms Inc. ընկերությունը հայտարարել է, որ նախկին նախագահ Դոնալդ Թրամփի Facebook-ի և Instagram-ի օգտահաշիվները, որոնք արգելափակվել էին երկու տարի առաջ՝ 2021 թվականի հունվարի 6-ին Կապիտոլիումում նրա կողմնակիցների կողմից կազմակերպված անկարգություններից հետո, կվերականգնվեն առաջիկա շաբաթներին, փոխանցում է VOA-ն։
Թրամփը նոյեմբերին հայտարարեց, որ 2024 թվականին կրկին առաջադրվելու է նախագահի պաշտոնում։ Պետության նախկին ղեկավարը մինչև արգելափակումն ուներ 34 միլիոն հետևորդ Facebook-ում և 23 միլիոն հետևորդ Instagram-ում: Այս սոցիալական ցանցերը քաղաքական գործունեության և դրամահավաքի հիմնական գործիքներն են:
Meta-ի կորպորատիվ բլոգում ասվում է, որ ընկերությունը «նոր արգելքներ է սահմանել կրկնահանցագործությունը կանխելու համար»:
«Այն դեպքում, երբ պարոն Թրամփը նորից հրապարակի նյութեր, որոնք խախտում են կանոնները, այդ բովանդակությունը կհեռացվի, և նրա օգտահաշիվը կկասեցվի մեկ ամսից մինչև երկու տարի ժամկետով՝ կախված խախտման ծանրությունից», – գրել է Meta-ի գլոբալ հարցերով նախագահ Նիք Քլեգը:
Տաթև Ֆռանգյան
