25.06.2026 | 09:33
ՀՀ տարածքում ավտոճանապարհներն անցանելի են
Ռուսական նորագույն «Արմատա» տանկերը մարտունակ չեն․ բրիտանական հետախուզություն
Քաղաքականություն
25.01.2023 | 22:33
Լուրերի ֆոնին, որ Ուկրաինան, այնումենայնիվ, ստանալու է գերմանական Leopard-2 տանկեր, Մեծ Բրիտանիայի Պաշտպանության նախարարությունը գնահատել է ռուսական վերջին տանկերը, գրում է BBC-ի ռուսական ծառայությունը։
Ավելի վաղ հաղորդվել էր, որ Ռուսաստանը պատրաստել է իր հիմնական մարտական «Արմատա» տանկերի ոչ մեծ քանակություն՝ Ուկրաինայում այդ տեսակի առաջին օպերատիվ տեղակայման համար։ Սակայն նշվում է, որ մարտի դաշտում ռուսական զորքերն առանց խանդավառության են ընդունել T-14-ների առաջին խմբաքանակը՝ մեքենաների անմխիթար վիճակում լինելու պատճառով։
Բրիտանական հետախուզության ամփոփագրում ասվում է, որ պարզ չէ, թե կոնկրետ ի՞նչ խնդիրներից են բողոքում զինվորականները, սակայն վերջին երեք տարիների ընթացքում ռուս պաշտոնյաները բացահայտ խոսում էին T-14 շարժիչների և ջերմային պատկերման համակարգերի հետ կապված խնդիրների մասին:
2021 թվականին էլ ՌԴ ՊՆ ղեկավար Սերգեյ Շոյգուն 2022-ին ծրագրված սերիական արտադրությունն անվանել է փորձնական խմբաքանակ։ Դրա համար էլ, ըստ բրիտանական հետախուզության, քիչ հավանական է, որ Ուկրաինա ուղարկվող տանկերը համապատասխանելու են սովորական ստանդարտներին, որոնց հիման վրա տեխնիկան համարվում է մարտունակ։
Էմմա Չոբանյան
