08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Իրանը միշտ աջակցել ու շարունակելու է աջակցել Ադրբեջանի տարածքային ամբողջականությանը․ Աբդոլահիանը՝ Բայրամովին
Քաղաքականություն
25.01.2023 | 11:33
Ուզբեկստանի մայրաքաղաք Տաշքենդում Տնտեսական համագործակցության կազմակերպության Նախարարների խորհրդի շրջանակներում տեղի է ունեցել Իրանի ԱԳ նախարար Հոսեյն Ամիր Աբդոլահիանի հանդիպումը Ադրբեջանի ԱԳ նախարար Ջեյհուն Բայրամովի հետ։ Երկու երկրների հարաբերությունների լարվածության ֆոնին՝ սա առաջին բարձր մակարդակի հանդիպումն է։
Իրանական Մեհր գործակալության հաղորդմամբ՝ Աբդոլահիանն ասել է, որ «Հարավային Կովկասում նոր զարգացումները, ադրբեջանական «օկուպացված տարածքների ազատագրումը» և դրան հաջորդած հրադադարի համաձայնագիրը նոր պատուհաններ և հնարավորություններ են բացել տարածաշրջանում կայունության ու ինտեգրման համար»։
Նա նաև նշել է, որ տարածաշրջանում երկրների տարածքային ամբողջականության պահպանումը կարևոր է Իրանի համար և Իսլամական Հանրապետությունը միշտ աջակցել ու շարունակելու է աջակցել Ադրբեջանի տարածքային ամբողջականությանը։ Իրանի ԱԳ նախարարը նաև խոսել է հարաբերությունների ընդլայնման երկկողմ ներուժից, հատկապես տնտեսական և առևտրային ոլորտներում՝ հույս հայտնելով, որ երկկողմ առևտրային հարաբերությունները կավելանան «շոշափելի պլանավորման և լուրջ կամքի շնորհիվ»։
Ադրբեջանի ԱԳՆ-ն էլ հայտնում է, որ երկու երկրների նախարարները տարածաշրջանային, ինչպես նաև փոխադարձ հետաքրքրություն ներկայացնող այլ հարցեր։
Էմմա Չոբանյան
