23.04.2026 | 21:21
Բյուրեղավանում համաճարակի հետևանքով շուրջ երեք տասնյակ բնակիչներ բուժվում են ստացիոնարում. նրանց վիճակը վերահսկելի է
Ամեն օրը սգո օր է․ Անդրանիկ Քոչարյանը՝ սգո օր չհայտարարելու մասին․ ՏԵՍԱՆՅՈՒԹ
Քաղաքականություն
24.01.2023 | 18:10
Սուրեն Պապիկյանն այսօր խորհրդարանում հանդիպել է «Քաղաքացիական պայմանագիր» խմբակցության անդամների հետ։ ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը Factor TV-ի հետ զրույցում նշեց, որ խմբակցությունը նախարարի հետ քննարկել է նաև Գեղարքունիքի մարզի Ազատ համայնքում տեղի ունեցած դժբախտ միջադեպը։ Հանդիպման ընթացքում անդրադարձ չի կատարվել Սուրեն Պապիկյանի հրաժարականի պահանջին։
«Այդպիսի օրակարգ չկա, որովհետև Սուրեն Պապիկյանն ունի լիարժեք աջակցություն իշխող խմբակցության կողմից»,- ասաց Անդրանիկ Քոչարյանը։
Ըստ Քոչարյանի՝ երկու տարին բավարար չէր, որ զինվորների համար անհրաժեշտ պայմաններով զորանոցներ կառուցեին։
«Ոչ, որովհետև մենք մեր զորանոցային կարողությունների մեծ մասը կորցրել ենք, մեզ ժամանակ է պետք»,- ասաց նա։
Իշխանական պատգամավորի խոսքով՝ գործի քննությունը կտա բոլոր հարցերի պատասխաները։ Մինչ այդ, ըստ Անդրանիկ Քոչարյանի՝ սգո օր չի հայտարարվի․ «Ամեն օր է սգո օր, ամեն մի զինվորի թաղման օրը սգո օր է այդ ընտանիքի համար»։
Մանրամասները՝ տեսանյութում։
Նարեկ Կիրակոսյան
