Քաղաքականություն
23.01.2023 | 18:25
Իրանի դեմ ԵՄ անձնական պատժամիջոցների նոր փաթեթը ներառում է 18 անհատի և 19 կազմակերպություն, որոնց, ըստ ԵՄ-ի, ներգրավված են երկրում բողոքի ցույցերը ճնշելու մեջ, ասվում է ԵՄ պաշտոնական ամսագրում հրապարակված փաստաթղթում։
Պատժամիջոցներն ուժի մեջ են մտել հրապարակումից անմիջապես հետո։
Երկուշաբթի ԵՄ ԱԳ նախարարների խորհուրդը հավանություն է տվել Իրանի դեմ անձնական պատժամիջոցների նոր փաթեթին՝ կապված այս երկրում ստեղծված իրավիճակի հետ՝ որպես մարդու իրավունքների խախտումների համար ԵՄ ընդհանուր պատժամիջոցների մաս:
Մասնավորապես, պատժամիջոցների ցուցակում հայտնվում է Իրանի սպորտի և երիտասարդության հարցերի նախարար Համիդ Սաջադին։ ԵՄ-ում համարում են, որ նա «իրանցի մարզիկներին ստիպել է իրենց կարծիքը չհայտնել Իրանի իրադարձությունների մասին՝ ինչպես ներքին, այնպես էլ միջազգային մակարդակում»։
Պատժամիջոցների ցանկում են նաև նախկին և ներկա տարածաշրջանային ղեկավարներ, պատգամավորներ, լրատվամիջոցների ղեկավարներ և անվտանգության աշխատակիցներ։
Կազմակերպությունների թվում են Իսլամական հեղափոխության պահապանների կորպուսի (ԻՀՊԿ, Իրանի զինված ուժերի էլիտար ստորաբաժանումներ) տարածաշրջանային մասնաճյուղերը։
Տաթև Ֆռանգյան
